LEXO PA REKLAMA!

SHKARKO APP

Zgjedhjet e 25 prillit/ Bylykbashi zbardh debatet në PD

26 Nëntor 2021, 20:39, Politikë CNA
Zgjedhjet e 25 prillit/ Bylykbashi zbardh debatet në PD

Pas humbjes së zgjedhjeve të 25 prillit, Partia Demokratike dhe Lulzim Basha u justifikuan pas asaj që e cilësuan si masakër zgjedhore.

Deputeti i PD Oerd Bylykbashi, në një intervistë në A2 me Merita Haklaj u shpreh se masakër zgjedhore ka pasur në vitin 2001 dhe se Bashës i pëlqeu termi për ta përdorur edhe këtë herë.

Ai më tej shton se për këtë gjë ka pasur edhe debate në mbledhjet që janë zhvilluar.

?Raporti i ODIHR i ka nënvizuar problemet e zgjedhjeve të 25 prillit. Çështja kryesore e opozitës duhet të kishin qenë zgjedhjet dhe jo nxitimi i skajshëm i Bashës të rikonfirmonte veten. Ky proces shoi procesin ankimor dhe vërtetimin e shkeljeve gjatë zgjedhjeve te OSBE/ODIHR. Në mbledhje kryesie, unë kam refuzuar hapjen e procesit për zgjedhjen e kryetarit si krejtësisht i pavend dhe që do të kishte pasojë në shuarjen e momenteve të rëndësishme tonat. Kemi pasur një debat edhe nëse ishin këto zgjedhje masakër apo jo. Masakër ka qenë vitit 2001. Bashës i pëlqeu termi masakër për ta përdorur?, tha ai.

Më tej në intervistë, Bylykbashi theksoi se Basha u fut në zgjedhjet e 25 prillit me objektiva humbëse.

?Nuk ka pikën e diskutimit që Rama i vendosi një objektiv vetes të merrte 750 mijë vota sa i duheshin dhe ato do t?i arrinte me çdo kusht. Basha i vendosi objektivin partisë dhe ne u përpoqëm të jepnim maksimumin, një objektiv që ishte në nivel humbës?, tha Bylykbashi./CNA.al

Lajmet e fundit nga