LEXO PA REKLAMA!

SHKARKO APP

Ishte shpallur në kërkim/ Policia arreston 27 vjeçarin, akuzat që rëndojnë mbi të

26 Nëntor 2021, 18:08, Kronika CNA
Ishte shpallur në kërkim/ Policia arreston 27 vjeçarin, akuzat

Policia e Pukës ka vënë në pranga një 27 vjeçar. I riu me inicialet K.D ishte shpallur në kërkim pasi ndaj tij ishte dhënë masa arrest me burg për disa vepra penale.

Ndaj këtij shtetasi Gjykata e Rrethit Gjyqësor Pukë ka caktuar masën e sigurimit ?Arrest në burg?, i dyshuar  për kryerjen e veprave penale ?Marrëdhënie seksuale me dhunë me të rritura? dhe ?Vjedhje me dhunë?.

Në datë 17.08.2019, në qytetin e Berlinit – Gjermani, i është kërkuar ndihmë patrullës së Policisë gjermane, e cila ka konstatuar se një shtetase 32 vjeçare ka qenë duke shkuar në banesën e saj dhe gjatë rrugës është sulmuar nga një shtetas, i cili ka ushtruar dhunë ndaj saj duke tentuar të kryente  marrëdhënie seksuale me dhunë dhe i ka marrë portofolin me para, të cilin e kishte në çantën e saj.

Pas njoftimit të banorëve nga ndihma e kërkuar nga 32 vjeçarja, autori i veprës penale është larguar nga vendi i ngjarjes, por në vendngjarje janë gjetur prova materiale e shkencore, nëpërmjet të cilave ai është identifikuar nga Policia.

Dosja nga Prokuroria e Berlinit në Gjermani është dërguar së bashku me provat materiale në Prokurorinë e Rrethit Gjyqësor Pukë, në ngarkim të shtetasit K.D., banues në Fushë Arrës, i pandehur dhe në kërkim ndërkombëtar.

Prokurori ka regjistruar procedimin penal Nr.55, datë 16.11.2021.

Gjykata e Rrethit Gjyqësor Pukë më datë 26.11.2021, ka caktuar ndaj tij masën e sigurisë ?Arrest në burg?./CNA.al

Lajmet e fundit nga