LEXO PA REKLAMA!

SHKARKO APP

E fundit!

x

"Trekëndëshi i Bermudës" fut në sherr PD-LSI

29 Tetor 2021, 14:47, Politikë CNA
"Trekëndëshi i Bermudës" fut në sherr PD-LSI

Kreu i PD, Lulzim Basha një ditë më parë, në fjalimin e tij në Kuvend deklaroi se “Trekëndëshit të Bermudës” i kishte ardhur fundi, duke nënkuptuar se pjesë e këtij trekëndshi ishin Berisha, Rama dhe Meta.

Pas kësaj deklarate në mbledhjen e sotme të Komisionit të Ligjeve ka patur debate mes LSI dhe PD. Shkak i këtij debati është bërë propozimi i deputetit të PS, Petro Koçi në lidhje me miratimin e rregullores.

Koçi ka propozuar se në rendin e ditës të ndryshohej togfjalëshi ?vazhdim i miratimit të rregullores? me togfjalëshin ?shqyrtim i miratimit të rregullores?.

Ky propozim, pati edhe miratimin e menjëhershëm nga anëtarët e PD-së, por në këtë moment ndërhyri përfaqësuesi i LSI-së, Petrit Vasili, i cili tha se rregullorja dhe katër nene janë miratuar tashmë në parim.

Sipas tij mbledhja e sotme nuk mund të jetë kurrsesi një mbledhje shqyrtimi të rregullores, por vazhdim i asaj që është miratuar më parë./ CNA.al

Lajmet e fundit nga