web counter
LEXO PA REKLAMA!

SHKARKO APP

App Store
Google Play

E fundit!

x

Rama ultimatum guroreve/ Do përballeni me ligjin, kryebashkiakët të rrinë larg

29 Tetor 2021, 11:28, Politikë CNA

Kryeministri Edi Rama gjatë takimit të mbajtur sot me kryebashkiakët, pas kritikave për ujësjellësit, i është kthyer edhe kompanive të guroreve.

Gjatë fjalës së tij, Rama ka paralajmëruar se mbledhja e radhës do të jetë për t’i ‘tërhequr veshin’  këtyre kompanive, ndërsa shtoi se do kenë afat deri më 31 dhjetor dhe duhet të pranojnë kalendarin e pyllëzimit sikurse parashikon edhe kontrata.

Në të kundërt, Rama u shpreh se atyre do t’i mbyllet aktiviteti e madje do të shkojnë edhe para ligjit, kush nuk është i gatshëm të rikuperojë.

Një paralajmërim Rama e bëri edhe për kryebashkiakët, të cilëve i kërkoi të rrinë larg kësaj çështje.

“Së shpejti kemi dhe një të tretë, për guroret, shumë shpejtë do merremi. Se i dilni për zot kur ju thuhet se do mbyllen por nuk ka asnjë letër nga bashkitë në ministrinë e mjedisit ku të thuhet që kjo kompani që po shfrytëzon këtë gurore, nuk ka mbjellë asnjë pemë, siç është marrëveshja. Nuk ka asnjë ngritje shqetësimi. Sa i përket guroreve, do ju lutesha shumë t’i qëndroni larg guroreve, shumë larg. këtu shumë shpejt do të jenë kompanitë që shfrytëzojnë malet ndërsa ju si bashki duhet t’i qëndroni shumë larg kësaj pune sepse ato ndërhyrjet sociale mbajnë erë të keqe dhe shfrytëzuesit e guroreve duhet ta kuptojnë që ose do nënshkruajnë marrëveshjen e pyllëzimit ose të gjitha do mbyllen pa kthim dhe ta harrojnë që mund të përdorin punonjësit që i përdorin si skllevër si mish për top për protesta. Duhet të marrin përsipër të pyllëzojnë sipas kontratës dhe për këtë kanë afat deri më 31 dhjetor. Do i thërrasim e do i tregojmë rast për rast ku i kanë problemet me ligjin. Nëse janë të gatshëm të rikuperojmë, ne nuk i bëhemi pengesë, kush nuk është i gatshëm, jo vetëm do e humbasë por do shkojë para ligjit”, tha Rama./CNA.al





Lajmet e fundit nga