web counter
LEXO PA REKLAMA!

SHKARKO APP

App Store
Google Play

Kosova gati për dozën e tretë të vaksinës/ Ja kur nis fushata

3 Tetor 2021, 16:55, Kosova & Bota CNA

Në fillim të vitit të ardhshëm pritet të fillojë dhënia e dozës së tretë të vaksinës anti-Covid në Kosovë.

Kjo është konfirmuar për Express nga Ministria e Shëndetësisë, të cilat thonë se nuk do të jetë problem sigurimi i vaksinave për të kryer këtë fushatë.

“Aplikimi i dozës së tretë të vaksinës kundër COVID-19, nuk ka ndonjë procedurë tjetër, pra është proces i ngjashëm me aplikimin e dozës së parë dhe të dytë. Dallimi qëndron se disa shtete të cilat kanë filluar ta japin dozën e tretë, këtë e bëjnë tek grupe të caktuara të popullatës si të moshuarit, punëtorët e kujdesit shëndetësorë apo ndonjë kategori tjetër që ka imunitet të komprometuar.

Ekipet e vaksinimit janë të përgatitura në çdo kohë që ta administrojnë edhe dozën e tretë. Sigurisht që ka gjasa që kjo dozë të administrohet në kohën e përmendur nga ju?, kanë thënë zëdhënësi i Ministrisë së Shëndetësisë në Kosovë.

Kujtojmë që Kosova deri tani ka administruar 1 milion e 375 mijë e 295 doza të vaksinës.

809 mijë e 496 qytetarë janë të vaksinuar me një dozë të vaksinës, ndërsa 565 mijë e 799 me të dy dozat./ CNA.al





Lajmet e fundit nga