Nuk duhet të mungojnë në tryezën tuaj/ Ushqimet që do t’iu bëjnë të dukeni më të rinj

9 Gusht 2020, 14:34, Lifestyle CNA

Frutat agrume

Agrumet janë një burim kryesor i vitaminës C dhe acidit folik. Ato ndihmojnë në uljen e nivelit të kolesterolit dhe acidit urik në gjak. Nëse i konsumoni rregullisht, do t?ju ndihmojnë të parandaloni problemet e qarkullimit të gjakut, gjendjen e zemrës dhe sëmundjet të cilat shkaktojnë dhimbje në nyje. Konsumimi i lëngut të limonit me stomak bosh pastron zorrën e trashë dhe detoksifikon trupin.

Hudhra

Hudhra vret shumicën e infeksioneve nëse përdoret siç duhet. Vlerat që ofron hudhra kundër plakjes, e bëjnë atë një nga antibiotikët më të mirë natyrorë. Ajo gjithashtu balancon kolesterolin, përmirëson qarkullimin e gjakut dhe hipertensionin, dhe ndihmon në uljen e rrezikut të kancerit.

Çokollata e zezë

Çokollata e zezë ka përfitime të shumta shëndetësore. Përmban antioksidantë siç janë flavonoidet që mbron lëkurën nga dëmtimi UV, lufton radikalet e lira dhe përmirëson hidratimin. Çokollata me të paktën 75% kakao që do t?ju japë të gjitha përfitimet e antioksidantit.

Vaj ulliri

Vaji i ullirit nuk është vetëm një pjesë thelbësore e një diete të shëndetshme, por gjithashtu një produkt i shkëlqyer për lëkurën. Është një nga burimet kryesore të acidit alfa-linolenik i cili e mban lëkurën të hidratuar dhe tonifikuar, duke parandaluar plakjen. Aplikoni disa pika vaj ulliri rreth syve tuaj, përpara se të shkoni në shtrat. Kjo do ta bëjë lëkurën tuaj të lëmuar dhe të hidratuar dhe të zvogëlojë shfaqjen e rrudhave të imëta.

Avokado

Me siguri keni dëgjuar se avokado ju bën të fitoni peshë për shkak të përmbajtjes së lartë të yndyrës, por ato janë shumë të shëndetshme. Konsumimi i një avokadoje në ditë ul nivelin e kolesterolit dhe ndikon në procesin e rigjenerimit të lëkurës. Ai i siguron trupit vitaminë C, kalium, dhe antioksidantë, sk dhe është i pasur me acid folik.

Frutat e pyllit

Luleshtrydhet, manaferra, boronicat kanë veti antioksiduese që parandalojnë ose vonojnë disa dëmtimin e qelizave dhe mund të zvogëlojnë ënjtjen dhe dhimbjen. Rekomandohet që të konsumoni boronica pasi ato përmirësojnë ndihmojnë dhe në parandalimin e sëmundjeve urinare, Alzheimerit dhe shëndetit mendor.

Karotat

Kjo perime është e njohur për shëndetin e syve falë beta-karotenit, një substancë e cila shndërrohet në vitaminë A. Ndihmon që retina dhe pjesët e tjera të syrit të funksionojnë pa probleme. Parandalon gjithashtu rrudhat e parakohshme të lëkurës të shkaktuara nga ekspozimi ndaj rrezeve UV./ CNA.al