LEXO PA REKLAMA!

SHKARKO APP

"S'je aty për të ngritur zërin"/ Rama debat me Pekën: Punën tuaj do e bëja më mirë unë

7 Maj 2020, 21:48, Politikë CNA
"S'je aty për të ngritur zërin"/ Rama debat me

Intervista e mbrëmjes së sotme mes kryeministrit Edi Rama dhe gazetari Çim Peka është shoqëruar me tone të larta dhe me debate të ashpra.

Në përfundim të intervistës, Peka i kujtoi Ramës ngritjen e tonit të zërit nga të dyja palët, ndërsa Rama iu kundërpërgjigj duke i thënë se është në postin e gazetarit dhe duhet të bëjë pyetje e jo të ngrejë zërin.

Peka e ironizoi për ERTV-në dhe Rama ia ktheu menjëherë se e bën më mirë se ai punën e gazetarit.

Rama: E para njëherë respektoj kolegët tuaj, mos i përgëjo. Ti ke të drejtën tënde, unë nuk kam dëgjuar deri tani asnjë gazetar që të thotë ato që thua ti se thonë për mua. Ti s’je aty për të ngritur zërin, je për të bërë pyetje. Unë jam i kënaqur nga kjo bisedë se nuk ishte me një gazetar por me një komisar të PD-së.

Peka: Dhe unë përvecse me një kryeministër kisha kënaqësinë të bisedoja me një koleg që është non stop online në Facebook me median e tij ERTV. Të përgëzoj për audiencën.

Rama: Po saktë, saktë.

Peka: Kur ta ndash mendjen nëse do jesh kryeministër, gazetar, doktor, çfarë ta vendosësh, je sërish i mirëpritur.

Rama: Dëgjo! Diku në fshehtësi duhet të ketë pasur edhe një axhetim reciprok për shkak se jemi edhe konkurrentë në median online. Jam më lart, po unë punoj part time jo full time në median online. Doktor nuk bëhem ndonjëherë, doktor një kishim që u mor me politikë dhe që na rregulloi të gjithëve e ke parasysh ti.

Peka: Të gjitha part time i bën ti.

Rama: Doktor një kishim. Doktorin ta mbash me shëndet vetë dhe ta kesh me jetë të gjatë se nuk i uroj jetë të shkurtër se duhet ndonjë hudhër për çdo shtëpi, por sigurisht nëse do bëja punën tuaj kam dhënë prova se do e bëja më mirë se të gjithë ju.

Peka: Atë nuk e vë në dyshim./ CNA.al

Lajmet e fundit nga