LEXO PA REKLAMA!

SHKARKO APP

App Store
Google Play

Protesta e fasonerive në Krujë/ Vokshi akuza kryeministrit Rama

7 Maj 2020, 20:41, Politikë CNA
Protesta e fasonerive në Krujë/ Vokshi akuza kryeministrit Rama

Protesta e fasonerive sot në Krujë ka sjellë edhe reagimin e Partisë Demokratike.

Ish deputetja e Partisë Demokratike, Albana Vokshi ka reaguar pas protestës së punonjësve të fasonerivë në Krujë, të cilët u ngritën sot për të kërkuar pagën e luftës.

Vokshi drejton gishtin nga kryeministri Rama, të cilin e akuzon se prioritet nuk ka shëndetin e punëtorëve, por klientët e tenderave.

?Gra e vajza që punojnë në fasoneri, që detyrohen të udhëtojnë cdo ditë, larg familjeve të tyre sepse Edi Rama nuk ju paguan atë që ju takon.

Dhjetëra mijëra gra e vajza, cdo ditë rrezikojnë shëndetin dhe jetën e tyre, fëmijëve dhe familjeve të tyre sepse ju duhet të punojnë në kohë pandemie të rrezikuara cdo ditë nga virusi COVID19. Sot ato janë më të pambrojturat. Arsyeja e vetme: Rama dhe qeveria nuk do që t?ia dijë për to.

Për Edi Ramën rëndësi kanë klientët që ju jep tendera sekrete, e jo shëndeti i mbi 70 mijë vajzave dhe grave që punojnë në fasoneri.

Do mjaftonte anulimi i 17 tenderave sekretë, apo anulimi i koncesioneve në shëndetësi për të shpëtuar nga rreziku jetën e mbi 70 mijë grave dhe vajzave. Me keto fonde, përballohen fare mirë pagat për keto gra dhe vajza që shkojnë në punë me frikë dhe jetojnë me tmerrin e virusit.?/CNA.al

Lajmet e fundit nga