LEXO PA REKLAMA!

SHKARKO APP

Vëzhgimi i CNA.al për rrugën Qukës-Qafë Plloçë/ Andi Përmeti: Do loboj në Parlament

7 Maj 2020, 18:58, Politikë CNA
Vëzhgimi i CNA.al për rrugën Qukës-Qafë

CNA.al bëri sot një vëzhgim për rrugën Qukës?Qafë Plloçë, projektin strategjik të nisur rreth një dekadë më parë, por që në fakt sot pas 7 vitesh nga tenderimi, ajo që ka mbetur është vetëm një kantier i braktisur dhe një rrugë e lënë në mëshirë të fatit.

Pas këtij lajmi ka ardhur edhe reagimi i deputetit të Bindjes Demokratike Andi Përmetit, i cili deklaron se në këtë mënyrë po refuzohet me qëllim zhvillimi turistik dhe ekonomik.

Në një postim në rrjetet sociale, Përmeti thotë se një shtet pa rrugë është një shtet pa mundësi reale zhvillimi, ndërsa tregon se do lobojë në Parlament që kjo rrugë të mos lihet në harresë.

“Shqipëria për fat të keq këto 7 vite të qeverisë Rama praktikisht ka investuar vetëm në fasada. Të bësh qendrën e një qyteze pa bërë më parë rrugët interurbane që lidhin atë qytezë është marrëzi, por me marrëzi ështe të kesh financimin e rrugës, tenderimin, fillimin e punës dhe ti ti hedhësh të gjitha në kosh.

Arsyet janë të pashpjegueshme por faktet janë kokëfortë. Rruga Qukës-Qafë Pllocë është lënë prej 7 vitesh në mëshirë të fatit. Një rrugë që duhet të kishte përfunduar prej vitesh. Një rrugë që ka vlerë të padiskutueshme për zhvillimin e qarkut të Korçës dhe një nevojshmëri imediate për fermerët e Korçës. Edhe për këtë vit jashtë planeve të qeverisë Rama. Unë personalisht do loboj në Parlament që kjo rrugë të mos lihet në harresë por të përfundojë sa më parë si një prioritet i zhvillimit për qarkun Korçë. Faleminderit CNA.al për investigimin”, shkruan deputeti./ CNA.al

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

Lajmet e fundit nga