Connect with Us

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

Denoncim

Foto ekskluzive/ Rruga Qukës-Qafë Plloçë, segmenti i lënë në mëshirë të fatit, nuk mbaron prej një dekade

Publikuar

-

Rruga Qukës–Qafë Plloçë, i konsideruar si një nga segmentet më të rëndësishme të Juglindjes që do të bënte të mundur shkurtimin e një distance të konsiderueshme me kryeqytetin, duket se nuk do të përfundojë kurrë.

Projekti strategjik i nisur rreth një dekadë më parë, do të duhet të ndikonte në zhvillimin ekonomik dhe turistik të zonës, por sot pas 7 vitesh nga tenderimi, ajo që ka mbetur është vetëm një kantier i braktisur dhe një rrugë e lënë në mëshirë të fatit.

Janë mbi 100 milion euro investim, financuar nga Banka Islamike dhe Fondi Saudit i Zhvillimit, por miliona të tjera do të duhen për tu riivestuar. Miliona të tjera ikin dhe për mirëmbajtjen e makinerive në kantierë.

Skarpatet kanë filluar sërish të rrëshkasin. Masive dheu bllokojnë rrugën vazhdimisht, ndërsa rreshjet e shiut kanë shkatërruar dhe tabanin.

Një pamje e dhimbshme. Mbi 100 milionë euro të hedhura e lëna rrugëve. Qukës–Qafë Plloçë duket si një vepër krimi e përgatitur nga duart e zyrtarëve të shtetit.

LEXO EDHE:  Foto/ Qentë që akoma nuk e kuptojnë sa të mëdhenj janë

Në shtatë vite do të ishte bërë e mundur të mbarohej disa herë kjo rrugë, nëse nuk do të mungonte vullneti politik, dhe urrejta që herë pas here që Edi Rama dhe disa segmente të tij shfaqin ndaj Juglindjes, ndaj Korçës, ndaj Devollit, ndaj Kolonjës, ndaj Pogradecit, sepse ky investim ju shërben gati 300 mijë banorëve të atij qarku dhe një zone më të gjërë akoma.

Por Edi Rama ka vendosur la lërë rrugëve rrugën Qukës-Qafë Plloçë. Ndërsa taksat e shqiptarëve që paguajnë kreditë janë hedhur në lumë.

CNA.al, bëri një vëzhgim sot, për ta sjellë me fakte atë që po ndodh me rrugën Qukës-Qafë Plloçë. Një pamje vërtet e dhimbshme, rruga është lënë në mëshirë të fatit./CNA.al

Rrugët e lëna rrugëve/ Si gënjeu publikisht kryeministri për aksin Qukës-Qafë Plloçë

Rruga Qukës–Qafë Plloçë, provë e dështimit të Rilindjes

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Denoncimi i Fiks Fare/ Polici rrugor qarkullon me makinë “pa letra”, kolegët “mbyllin sytë”

Publikuar

-

Nga

Denoncimi i Fiks Fare/ Polici rrugor qarkullon me makinë “pa letra”, kolegët “mbyllin sytë”

Fiks Fare denoncoi mbrëmjen e së enjtes veprimet e një punonjësi të Policisë Rrugore të Dibrës, detyra e të cilit është ndëshkimi i kundravajtësve rrugorë.

Por, kësaj herë, vetë punonjësi Enver Fera, ka shkelur me të dyja “këmbët” këto rregulla, pasi qarkullon me makinë pa letra në të gjithë qytetin e Peshkopisë. Madje, “në hundën” edhe të kolegëve, të cilët vetëm e përshëndesin dhe nuk veprojnë për ta ndëshkuar, ndryshe nga sa ndodh me qytetarët e Dibrës.

Në redaksinë e emisionit investigativ mbërritën disa informacione se z.Fera qarkullon me një automjet me targa të huaja. Mjeti është një “Golf 3”, me targa

KC NT 23 me ngjyrë të zezë. Për disa orë me radhë, gazetarët e Fiks Fare ndoqën në të gjithë qytetin e Peshkopisë këtë mjet. Në orët e para të ditës, mjeti ishte parkuar buzë rrugës, në afërsi të varrezave të qytetit, në kilometrin e parë të aksit Peshkopi-Kukës. Disa orë më vonë, drejtuesi i mjetit fillon lëvizjet, nga varrezat në drejtim të qendrës së qytetit. Ai ndalon, parakalon, madje edhe përshëndet disa të njohur.

Për rreth 10 minuta, z.Fera ecën me automjet, duke përshkuar rreth e përqark qytetin e Peshkopisë. Madje, në një moment, kalon afër disa kolegëve, të cilët nuk e ndalojnë. Gazetarët e Fiks Fare dokumentuan lëvizjet e këtij mjeti deri në afërsi të banesës së z.Fera.
Në atë ditë, polici rrugor ishte turni i dytë dhe rreth orës 14.00 lëviz sërish nga shtëpia në drejtim të Policisë së Dibrës. Kësaj herë, z.Fera kishte veshur uniformën dhe drejtohet në godinën e policisë. Sërish qarkullon në të gjithë Peshkopinë dhe në afërsi të policisë, mjetin ua lë në përdorim disa të njohurve të tij.

LEXO EDHE:  Foto- Përfundojnë punimet/ Hapet autostrada Tiranë-Durrës

LEXO EDHE:  Aktorët Hollywoodian nuk postojnë foto të fëmijëve në rrjetet sociale/ Tregojnë arsyen

Gazetarët e Fiks Fare e presin në hyrjë të policisë, ndërsa pyetjes se çfarë mase jep për makina me targa të huaja thotë se “nuk është i autorizuar të flasë”. Ai shpejton hapat dhe futet brenda godinës së policisë. Fiksi pyet Shefin e Qarkullimit Rrugor të Peshkopisë, i cili thotë se për të gjithë informacionin e kërkuar duhet një kërkesë për informacion. Ai u tha gazetarëve se, nëse mjeti qarkullon me targa të huaja e pa letra, gjobitet dhe bllokohet. Madje, edhe nëse pronari është punonjës policie. Disa ditë pas interesimit, Policia e Dirës thotë në përgjigje të kërkesës se Enver Fera ka gradën inspektor, me detyrë Trup Shërbimi në Seksionin e Trafikut Interurban dhe Urban.

Sipas saj, në momentin që janë plotësuar formularët për VETING, ka deklaruar se ka në përdorim një automjet me targa të huaja, ende të pa pajisur me dokumentacion. “Policia Rrugore e Dibrës, në momentin që ka konstatuar këtë automjet në lëvizje, drejtuesi i automjetit i është nënshtruar verifikimit të dokumentacionit të mjetit, njësoj si me të gjithë drejtuesit e tjerë të automjeteve” thuhet në përgjigje. Dhe, pas konstatimit të kundravajtjes rrugore nga Fiks Fare, Policia e Dibrës thotë se ka vepruar. “Për mangësitë e evidentuara në dokumentacion, Policia Rrugore ka marrë masën e bllokimit të mjetit si dhe ndaj punonjësit të Policisë ka nisur hetimi disiplinor, për Shkelje të Rregullores së Policisë së Shtetit” përfundon policia./ tch

LEXO TE PLOTE

Denoncim

Denoncim/ Kur policia nuk pyet për leje nga e-Albania

Publikuar

-

Nga

Kur policia nuk pyet për leje nga e-Albania

Shtimi i rasteve me Covid-19, bëri që Komiteti Teknik i Ekspertëve të kufizojë lëvizjen nga ora 22:00 deri në orën 6 të mëngjesit. Persona që do të duhet të lëvizin për arsye pune, duhet që më parë të aplikojnë në portalin e-Albania.

Jetnor Keço tregoi në emisionin “Stop” se punon si shofer në “Speed Taxi” dhe kur doli ky akt normativ, kompania e tij aplikoi për leje në e -Albania dhe ajo ia miratoi, që në 11 Nëntor.

“Quhem Jetnor Keço, jam punonjës i ompanisë “Speed Taxi” shofer. Sipas rregullores që nxorri kryeministri që pas orës 22:00 do të qarkullonim për të transportuar punonjësit e “Speed-it” me një leje të marrë nga e-Albania. Kjo është leja që kompania ka nxjerrë nga e-Albania, është në orën 16:53. Kjo leje është marrë për transportin e punonjësve të “Speed Taxi” për t’i çuar pas orarit të punës nëpër shtëpi”, tha Keço.

Por në 13 Nëntor e kap Policia Rrugore dhe i merr lejen e drejtimit të mjetit dhe patentën dhe e çon në komision bashkë me 2 shoferë të tjerë të kompanisë, të tre me leje lëvizjeje.

“Ditën e parë e shikonte policia dhe më thoshte vazhdoni. Ditën e dytë më ndaloi tek rruga e Elbasanit dhe më tha që do të bllokohet leja e makinës dhe patenta. Kjo është gjoba që unë kam marrë në polici në orën 23:40. E mori dhe foli në radio me shefat e mëdhenj. I tha që ky person e ka lejen në rregull, vazhdo procedurën i thoshte shefi. E dëgjoja unë. Pavarësisht se isha me lejen e posaçme nga e-Albania Policia Rrugore më ndaloi lejen e drejtimit personale. Nëse policia ka probleme me të, të merret me kompaninë që ka nxjerrë lejen nga e-Albania dhe jo me mua. Unë jam shofer dhe jam punonjës. Kërkoj patentën sepse me atë patentë unë ushqej kalamajtë. Kërkoj të më jepet e drejta ime”, tha Keço.

Nëpërmjet kamerës së fshehtë, Jetnori iu drejtua Policisë Rrugore, ku punonjësja i thotë, se duhet të bëjë ankesë tek portali.

Specialistja: Të kanë gjobitur në kundërshtim të “Aktit Normativ”. Unë thjesht dua të të bëj me dije, që drejtuesit e automjeteve, që janë gjobitur për këtë, duhet të aplikojnë tek e-Albania, duke qenë se nuk janë dakord me gjobën, që Komisioni, nesër që është afati i fundit ligjor, të ketë mundësi të lexojë ato, për të cilat nuk jeni dakord!  Dhe, dua të të bëj me dije, që të gjitha ankesat hidhi tek e-Albania, që kur të marri praktikën Komisioni, të ketë mundësinë, që të lexojë për çfarë ke dalë ti në rrugë. Kurse, në lidhje me gjobën, shko tek Komisariati, vazhdo! Mund ta ankimosh!

LEXO EDHE:  Foto- Përfundojnë punimet/ Hapet autostrada Tiranë-Durrës

LEXO EDHE:  Foto/ Qentë që akoma nuk e kuptojnë sa të mëdhenj janë

Qytetari: Po mua vetëm në lidhje me gjobën më intereson, moj motër.

Punonjësja: Po në lidhje me gjobën, po atë gjobë do ta shqyrtojë Komisioni, siç tha shefja.

Specialistja: Detyrimisht duhet t’ i hedhësh të gjitha atje, të gjitha, që Komisioni të ketë mundësi të lexojë ankimimin tënd!

Gazetarja e emisionit “Stop” komunikoi edhe me menaxherin e kompanisë në fjalë për këtë rast.

Gazetarja: Juve si kompani jeni interesuar për këtë rast, se zotërisë duke qenë edhe punonjës i juaj i është hequr patenta padrejtësisht?

Menaxheri: Po, ne jemi interesuar dhe po vazhdojmë të interesohemi gjatë gjithë kohës.

Gazetarja: Çfarë ju kanë thënë?

Menaxheri: Kemi fol me Policinë dhe kanë thënë, që nuk kanë mundësi, që të bllokohet përderisa e ka pas lejen, do ta marrësh patentën, do marrësh lejen e qarkullimit. Se përveç patentës, është blloku dhe leja e qarkullimit të makinave, domethënë edhe tre makina janë të mbyllura.

Gazetarja: Po e njëjta Polici Rrugore që i ka vajtur Jetnorit i kanë thënë që duhet të aplikojë direkt të ankimojë gjobën.

Menaxheri: Po tek “e -albania” tek kategoria “OASH”. Tek “e-albania” e tre shoferave, tek llogaria nuk nxjerr asgjë.

Gazetarja: Keni ardhur tek policia rrugore t’ia parashtroni si problematikë se i bie që të gjobiteni ditën e nesërme?

Menaxheri: Sot do shkoj tek Policia Rrugore, që të merrem me këtë çështje! Unë tani do shkoj atje, për pak domethënë do jem atje!

Për këtë rast, gazetarja komunikon me drejtorin e Policisë Rrugore Edmond Tarkaj dhe ai thotë, se për rastin vendos komisioni.

Gazetarja: Një subjekt konkretisht “Speed Taxi” është paraqitur me një leje që më 11 Nëntor tek e-Albania. Tani Policia Rrugore i ka vendosur gjobë një shoferi të taksisë ndërkohë që ka pasur leje që me datë 11 Nëntor, i ka hequr patentën.

Drejtori Edmond Tarkaj: Nga Komisioni i Qarkullimit Rrugor të Tiranës, ai duhet të marri masën ndëshkimore, sepse polici, punonjësi e ka vënë.

Gazetarja: Punonjësi mund ta vendosë dhe gabimisht?

Drejtori Edmond Tarkaj: E vendos Komisioni atë. Ka një Komision aty tek Komisariati i Tiranës, i cili e vendos, që e kthen mbrapsht dhe e ndëshkon punonjësin e policisë për gabimin, që ka bërë. Megjithatë, m’i nis mua këto, që unë të ndërhyj nga ana ime, për ta verifikuar saktë!

Pasi ai mori të dhënat e Jetnorit problemi u zgjidh dhe iu kthye patenta.

“Edhe dy kolegët e mi që kishin këtë problem, nga interesimi i emisionit “Stop” mori zgjidhje”, tha Keço. /tvklan.al

LEXO TE PLOTE

Denoncim

Fiks Fare/ Drejtori nuk lëshon ‘karrigen’, pengon vlerësimin e dosjeve që e konkurojnë

Publikuar

-

Nga

Fiks Fare/ Drejtori nuk lëshon ‘karrigen’, pengon vlerësimin e dosjeve që e konkurojnë

Në shkollën 9- vjeçare “Pashko Vasa” në Shkodër procesi për zgjedhjen e drejtorit nuk zhvillohet. Vetë drejtori pengon dosjet që e konkurojnë. Anëtarët e komisionit të zgjedhjes nuk shkojnë në votim për shkak se ky drejtues i detyron ta sabotojnë këtë proces. Prej dy javësh drejtori i shkollës ka komanduar kryetaren e komisionit drejtoreshë shkolle duke e futur në konflikt interesi me procesin e votimit në mënyrë që ky proces të mos zhvillohet.

Bashkëpunëtorët e Fiksit dhe gazetarët kanë biseduar me kryetarin e bordit të prindërve prej të cilit është shtyrë mbledhja. Në një shkresë të dërguar ai thotë se mungesa e tij ka qenë për shkak të virusit covid 19 prejt të cilit edhe është vetë karantinuar. Ndërkohë në biseda me gazetarët e Fiksit zotëria tregon se këtë e ka bërë për shkak të drejtorit . Duke ju lutur gazetarëve që mos ta nxjerrin në kamera shpjegon se është kryetar bordi në atë shkollë edhe pse nuk ka fëmijë, por ja ka kërkuar drejtori të qëndrojë.

Gazetarët shkojnë të takojnë drejtoreshën e komanduar që është njëkohësisht dhe kryetare e vlerësimit të dosjeve, për ta pyetur se përse eshtë vonuar procesi i përzgjedhjes së drejtorit të ri? Ajo tregon se procesi nuk është zhvilluar për mungesë të anëtarëve sepse janë të infektuar me Sars Cov 2 .Gazetarët i kërkojnë një dokument që vërteton infektimin e anëtarëve nga virusi covid 19, por ajo nuk ka asnjë dokument të tillë. Ajo tregon se juristja e bashkisë e ka telefonuar duke i thënë se është vetëkarantinuar , gjithashtu edhe kryetari i bordit i ka dërguar një shkresë ku i thotë se është karantinuar.

Edhe pse në të tilla raste komisioni e ka për detyrë të zëvendësojë brenda 24 orëve anëtarin që mungon, drejtoresha e rekomanduar nuk e ka bërë këtë. Arsye ajo tregon se përderisa nuk u zëvendësua juristja e bashkisë edhe kryetari i këshillit ka kërkuar që të mos zëvendësohet, por të pritet siç u bë me të tjerët. Pavarësisht se asnjë nga këto justifikime nuk është ligjore drejtoresha thotë që nuk ka mundur t’i mbledh dot anëtarët. Ndërkohë për drejtorin thotë që ka raport, por mbetet për t’u verifikuar në listë pagesat e ZVA-së , pasi drejtori e ka depozituar atje personalisht raportin. Pyetjes së gazetarëve që a është në dijeni të konfliktit të interesit që ka ajo duke u komanduar si drejtoresh dhe pse nuk jep dorëheqjen si kryetare e komisionit për mos t’u bërë pengesë për procesin, ajo e pranon që është totalisht në faj dhe se duhet ta jepte dorëheqjen menjëherë. Por arsye e mosdhënies së dorëheqjes sipas saj ishte ngarkesa me punë për fejesën e djalit . Ajo i premton gazetarëve të Fiksit se që nesër do paraqesi dorëheqjen .

LEXO EDHE:  Foto/ Qentë që akoma nuk e kuptojnë sa të mëdhenj janë

LEXO EDHE:  Foto- Përfundojnë punimet/ Hapet autostrada Tiranë-Durrës

Gazetarët e Fiksit për të marrë një përgjigje shkojnë edhe në Zyrën Vendore Arsimore .Sekretarja pohon se drejtoresha ndodhet në një takim për të cilin ajo nuk ka informacion se ku zhvillohet. Në këto kushte gazetarët kërkojnë një takim me juristen, por sapo ata trokasin në derën e saj dera mbyllet me çelës nga brenda. Pasi gazetarët i thonë se nuk largohen deri sa dera të hapej juristja që brenda ishte pash me drrejtoreshen e ZVA-së hapin derën duke i lënë gazetarët të hyjnë brenda. Gazetarët e pyesin nëse është ajo drejtoresha, por përgjigjia është jo. Të njëjtën gjë konfirmon dhe juristja ndërkohë që nuk pranon të përgjigjet , po kërkon një kërkesë me shkrim. Pas këmbënguljes së Fiksit juristja thotë se Drejtoria Rajonale Lezhë nuk ka kthyer përgjigje.

Fiksi i drejtohet edhe DRAP-it. Drejtori Bardhok Pulaj pasi i treguam pamjet e zonjës që ndodhej në zyrën e juristes na konfirmon se zonja ka qenë drejtoresha e ZVA-së . Të dyja, si juristja dhe drejtoresha gënjyen. Z. Pulaj në lidhje me procesin e zgjedhjes së drejtorit thotë se procesi është vonuar dhe kanë kaluar të gjitha afatet ligjore dhe për këtë do ngrihet një inspektim nga ana e tij për të gjitha dokumentat e administruara në dosje. Situata sipas tij do zgjidhet duke u ngritur një komision i ri edhe pse për administrimin e dokumentave përgjegjësia është e ZVA-së./ tch

LEXO TE PLOTE