LEXO PA REKLAMA!

SHKARKO APP

Lubonja sulmon Ramën për dërgimin e stafit mjekësor në Itali/ Thirrje Metës, Kuvendit dhe qeverisë

28 Mars 2020, 22:31, Politikë CNA
Lubonja sulmon Ramën për dërgimin e stafit mjekësor në

Analisti Fatos Lubonja e ka cilësuar një sakrificë ekstreme të kryeministrut Edi Rama për të bërë propagandë dërgimin e 30 mjekëve dhe infermierëve në Itali.

Lubonja ka reaguar ashpër ndaj Ramës, të cilit i thotë se e kemi duruar për mbylljen ekstreme, ndërsa i ka dalë kundër edhe për këtë veprim.

?Dëgjova në lajmet e mbrëmjes se qeveria Shqiptare ka dërguar 30 mjekë e infermierë në Itali. Ajo që mendova ishte: Italia, edhe pse shumë më e infektuar se Shqipëria nuk i ka mbyllur njerëzit me qen e me mace në shtëpi si tek ne ? ku na kërkohet deri që t?i kërkojmë 24 orë përpara leje policisë për të dalë vetëm 60 minuta një pjestar i familjes të bëjë pazarin. Deri sot e kemi justifikuar këtë mbyllje ekstreme tonën, si në asnjë vend tjetër në Evropë, megjithëse kemi vetëm 10 të vdekur, me gjendjen tejet të dobët të sistemit tonë shëndetësor dhe rrezikun që mund të na presë nesër nga kjo. Tani na del se ne duhet ta bëjmë këtë sakrificë ekstreme, që Edi Rama të bëjë propagandë në Itali?, shkruan ai në rrjetet sociale.

Analisti i bën thirrje Presidentit Ilir Meta, Parlamentit dhe qeverisë që ose këta mjekë të kthehen sa më parë, ose që lejet tona të lëvizjes të bëhen të paktën si të Italisë./ CNA.al

Lajmet e fundit nga