web counter
LEXO PA REKLAMA!

SHKARKO APP

App Store
Google Play

E fundit!

x

Meta optimist për betejën me koronavirusin/ “Shqipëria i ka mundësitë ta mbajë nën kontroll krizën”

24 Mars 2020, 20:34, Politikë CNA

Presidenti i Republikës Ilir Meta beson se Shqipëria i ka të gjitha mundësitë që të mbajë nën kontroll krizën e koronavirusit, ndryshe nga Italia fqinje që po shënon bilance tragjike. Gjithashtu Meta thekson se situata varet nga disa faktorë.

?Dua të besoj se Shqipëria i ka të gjitha mundësitë për të mbajtur sa më në kontroll këtë krizë. Kjo do të varet shumë nga përsosja e bashkëpunimit në orët që vijnë në ditët që vijnë midis autoriteteve dhe qytetarëve. Pasi ne vërtetë s?kemi mjekësinë aq të zhvilluar sa Italia, po është  e vërtetë gjithashtu që jemi një vend që me organizim më efikas, më të disiplinuar i kemi të gjitha mundësitë që ta mbajmë në kontroll. Ne kemi mundësitë që t?i monitorojmë më mirë të gjithë rastet, jo veç personave pozitiv por edhe gjurmimin e zinxhirit të të infektuarve?, tha Meta në Përballë.

Duke komentuar situatën e krijuar në Itali, Presidenti Meta theksoi rëndësinë që ka respektimi i masave kufizuese.

?Është një dhimbje e madhe për çdo qytetar të Shqipërisë kur shikon lajmet tronditëse nga Italia. Kur shohim situatën në Itali përveç dhimbjes, ndërgjegjësohemi që masat kufizuese duhet t?i respektojmë të gjithë me disiplinë të hekurt dhe shembullore pasi në këto momente veç kjo do na ndihmojë ta mbajmë situatën nën kontroll, të mos vëmë shëndetësinë në vështirësi, përballë sfidave kur shohim se ç?po ndodh në Itali apo Spanjë?, theksoi Meta./ CNA.al





Lajmet e fundit nga