LEXO PA REKLAMA!

SHKARKO APP

Vendimi për hapjen e negociatave/ Bregu: Asnjëherë se kisha imagjinuar se do vinte kështu

24 Mars 2020, 16:05, Politikë CNA
Vendimi për hapjen e negociatave/ Bregu: Asnjëherë se kisha

Sekretarja e Përgjithshme e Këshillit të Bashkëpunimit rajonal, Majlinda Bregu ka reaguar pas vendimit të Këshillit Europian që të rekomandojë hapjen e negociatave të Shqipërisë dhe Maqedonisë së Veriut.

Bregu deklaron në rrjetet sociale se asnjëherë nuk kishte menduar se kjo ditë do të vinte kaq e brishtë, e tendosur dhe e munduar nga lodhja dhe përballja me koronavirusin.

Ajo uron shqiptarët dhe thotë se këta të fundit janë ndërgjegjësuar dhe do të vazhdojnë të punojnë.

“Gëzimi është i mrekullueshëm… Shumë herë e kam imagjinuar këtë ditë, por asnjëherë se do të vinte kështu. E brishtë, e tendosur, e munduar nga lodhja e çapitjes sonë të gjatë drejt saj. Asfarë se kisha menduar që të ngërthyer mes krizave e së fundmi kërcënimeve prej një virusi mizor, do të na dukej kjo ngjarje si dytësore. Ja pra si për ironi të fatit, shembja e murit e çelja e portës për të hyrë më në fund në Europë duhej të vinte në këtë realitet kur muret po na rezultojnë trishtueshëm e vetmja siguri!

Urime të gjithëve që në këtë orvatje të gjatë të shqiptarëve drejt Europës kanë zbuluar të vërteta, janë ndërgjegjësuar e do të vazhdojnë të punojnë të qartë se nga arritjet te zhgënjimet; nga përpjekjet te bllokimet, nga kokëfortësia te lëshimet; nga paragjykimet të vetëpërmbajtja, mes garameteve e ahteve, kjo është Rruga Jonë! Më mirë vonë se Kurrë!”, shkruan ajo./ CNA.al

Lajmet e fundit nga