LEXO PA REKLAMA!

SHKARKO APP

Spaho zë ngushtë Ramën/ Ja pse sot kemi mjekë të infektuar dhe njerëz në çadra

23 Mars 2020, 17:20, Politikë CNA

Demokrati Edmond Spaho ka fajësuar kryeministrin Edi Rama se nuk ka vepruar në kohë për marrjen e masave.

Spaho thotë se po të kishte vepruar qeveria në kohë, njerëzit nuk do të ishin sot në çadra, apo në banesa të dëmtuara edhe pse kanë kaluar 4 muaj nga tërmeti.

“Po të vepronte Edi Rama që kur filluan të binin sirenat e alarmit në Itali dhe kryetari i Opozitës Lulzim Basha kërkoi marrjen e masave, nuk do kishim një situatë kaotike sot dhe personat e infektuar do ishin nën mbikëqyrje mjekësore siç ligji e kërkon. Po të vepronte Edi Rama në kohë do kishim një numër të konsiderueshëm respiratorësh dhe jo në mes të krizës të hapej me urgjencë për 24 orë tenderi. Ende sot nuk e dimë numrin e respiratorëve që kemi në dispozicion.

Po të vepronte në kohë Edi Rama, që kur i bëri thirrje opozita, do i kishte pajisur mjekët me veshje mbrojtëse dhe nuk do të rrezikonin shëndetin, kur deri tani zyrtarisht kemi 9 mjekë dhe infermierë të infektuar e shumë të tjerë në karantinë dhe që presin të bëjnë testin. Po të vepronte Edi Rama në kohë, paratë do kishin shkuar tashmë nga oligarkët tek qytetarët në nevojë. Akoma sot nuk dihet si do ndahen ato pak para të dedikuara nga Akti Normativ. Ndërkohë që dihet që mijëra familje janë sot në pamundësi për të mbijetuar”, shkruan ai në rrjetet sociale.

Sipas Spahos, sot beteja është për jetë a vdekje, ndaj thekson se Edi Rama duhet të dëgjojë dhe të veprojë pa vonesë, për qytetarët e jo për opozitën./ CNA.al

Lajmet e fundit nga