web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu flet për masat/ Rritet stoku i maskave, gati kontrata për 54 respiratorë

23 Mars 2020, 15:43, Politikë CNA

Ministrja e Shëndetësisë dhe Mbrojtjes Sociale, Ogerta Manastirliu, ka treguar se kanë vendosur ngritjen e çadrave të triazhit mjekësor, përpara Urgjencës së QSUT dhe përpara Urgjencës së Spitalit të Traumës.

Në një deklaratë për mediat, ministrja deklaroi se aktualisht po përfundon trajnimi i ekipeve që do të vendosen në shërbimet e triazhit në çadra. Gjithashtu ajo foli edhe për respiratorët, për të cilët tha se numri i tyre po rritet për të përballuar situatën.

?Po lidhim kontratën për blerjen e 54 respiratorëve dhe vijojmë procedurën për 100 respiratorë të tjerë, që do të mbërrijnë sipas një kalendari të mirëpërcaktuar?, u shpreh Manastirliu, ndërsa rrëfeu se kanë rritur stokun me 25 mijë maska FFP2/FFP3.

“Në vazhdim pritet furnizimi me 140 mijë maska FFP2/FFP3, ndërkohë që planifikojmë krijimin e një stoku me plus 200 mijë maskash specifike FFP2/FFP3. Sa i përket veshjeve speciale po rrisim në këtë javë me 10 mijë stokun e veshjeve dhe planifikojmë rritjen e stokut me 50 mijë veshje speciale?, bëri të ditur ajo.

“Sa i përket elementëve të tjerë doreza nitrili, syze mbrojtëse, helmeta mbrojtëse, dezinfektantë etj, po ashtu është siguruar stoku i nevojshëm për përballimin e kësaj situate dhe në vijim. Ndërkohë sa i përket maskave të thjeshta, kemi një sasi stoku mbi 500 mijë maska të thjeshta dhe kirurgjikale si dhe rreth 650 mijë doreza sterile dhe josterile”, nënvizoi më tej Manastirliu./ CNA.al





Lajmet e fundit nga