LEXO PA REKLAMA!

SHKARKO APP

Nga gjumi tek goditjet në zemër dhe tru/ Si ndikon tek njerëzit ndryshimi i orës

24 Tetor 2019, 08:44, Blog CNA
Nga gjumi tek goditjet në zemër dhe tru/ Si ndikon tek njerëzit

Studime të shumta, kanë treguar që ndryshimi i orës me 60 minuta, ka në fakt një ndikim të matshëm në organizmin tonë. Për këtë arsye, vitet e fundit ka pasur thirrje në rritje për heqjen dorë nga kjo praktike. Po si ndikon tek ne ndryshimi i ores?

1. Prish ciklin tonë të gjumit.

Është e vërtetuar që ndryshimi i orës, e prish ritmin tonë të brendshëm cirkadian. Ne zgjohemi duke pritur që të jetë 1 orë më parë ose më vonë, nga sa është në realitet. Për të zbutur efektet e ndryshimit të orës, ekspertët e gjumit rekomandojnë që të shkoni në shtrat 30 minuta më herët se zakonisht.

2. Mund të acarojë lëkurën, për shkak të ndryshimeve hormonale

Dr. Firaz Al-Niaimi, thotë se ndryshimi i orës, mund të përkeqësojë problemet që mund të keni tashmë me lëkurën. ?Ora e re mund të ndikojë në hormonet tona, kryesisht për shkak të ndryshimit në modeleve tona të gjumit, dhe kjo mund të nënkuptojë një rritje të puçrrave?.
Al-Nianimi thotë se para se të shkoni të flini, është e rëndësishme të ruhet përkujdesja e plotë
që keni zakonisht ndaj lëkurës. Gjithashtu, mundohuni të relaksoheni psikologjikisht para se të shkoni të flini. Në këtë mënyrë gjumi juaj nuk do të ndërpritet, dhe qelizat e lëkurës mund të riparohen brenda natës.

3. Rrit mundësinë e një sulmi në zemër

Mund të duket e frikshme, por është vërtetuar nga studimi i 43.000 kartelave të pacientëve në Britaninë e Mahe, që pas ndryshimit të orës në pranverë, ka një rritje të rasteve të sulmeve në zemër, ndërsa në muajt e vjeshtës një rënie.
Po sipas studimeve, e hëna e parë pas ndryshimit të orës në pranverë, shoqërohet me një rritje prej 24 përqind të sulmeve në zemër, ndërsa e marta e parë pas ndryshimit të orës në stinën e vjeshtës, shoqërohet me një rënie prej 21 përqind të këtyre sulmeve.

4. Rrit rrezikun e goditjeve në tru

Një studim i kryer në Finlandë, mbi të dhënat mbarëkombëtare të pacientëve në vitet 2004-2013, tregoi se ndryshimi i ores, rrit rrezikun e pësimit të një goditjeje në tru, pikërisht për shkak se ndërpritet ritmi juaj ciklik cirkadian. Ngjashëm me sulmet në zemër, studiuesit zbuluan se rastet rriteshin gjatë 2 ditëve të para pas ndryshimit të orës, por diferenca ngushtohej kur vëzhgohej e gjithë java e shtrimit të pacientëve në spital. Gratë preken në mënyrë disproporcionale.

5. Shkakton më shumë aksidente rrugore

Ndikimi i ndryshimit të orës tek aksidentet rrugore, është i mirë-dokumentuar ndër vite në Britani. Ky ishte një nga përfundimet kryesore të një vëzhgimi 3-vjeçar (1968-1971) nga qeveria britanike pas ndryshimit të orës. Sipas raportit, kur nuk kishte ndryshim të orës, kishte një numër më të ulët të numrit të njerëzve të vrarë ose të plagosur rëndë në aksidentet rrugore, pasi rrugët mbrëmjeve ishin më të ndriçuara.
Pastaj në vitin 1996, një studim i botuar në ?Neë England Journal of Medicine? e konfirmoi sërish këtë gjetje, duke folur për një rritje me 8 për qind të aksidenteve rrugore të hënën e parë pas ndryshimit të orës. Një studim i ngjashëm i vitit 2001 nga universitetet Xhon Hopkins dhe Stenford në SHBA, gjeti sërish rritje të numrit të aksidenteve të hënën e parë pas ndryshimit të orës. Ata zbuluan nëse nuk do të kishte ndryshim të orës, në një vit do kishte 160 viktima, 650 të plagosur më pak nga aksidentet rrugore.

6. Mund të na shkaktojë një humor të keq

Ndryshimi i ores, ka një ndikim të madh në humorin e gjithsecilit prej nesh. Një studim mbi një grup gjyqtarësh britanikë në vitin 2016, zbuloi se privimi i tere nga gjumit për shkak të ndryshimit të ores në pranverë, i bënte ata të jepnin dënime më të ashpra mbi të pandehurit.

7. Na kushton më shumë para

Një raport nga Instituti i Studimeve të Politikave në Britaninë e Madhe, vlerësoi se nëse ora nuk ndryshon, konsumatorët mund të kursejnë deri në 260 milionë paund në vit në faturat e energjisë elektrike. Nëse mendoni se kjo praktikë po vazhdon prej më shumë se 45 vitesh, llogarisni pak dëmin në total.
Ndërkohë, studiuesit e Universitetit të Kembrixhit, zbuluan gjithashtu se 1 orë shtesë ndriçim natyral nga dielli në dimër, mund t?i kursejë secilit britanik 485 paund çdo vit, pasi njerëzit do
të përdorin më pak energji elektrike dhe ngrohje./ Përshtatur nga CNA.al

Lajmet e fundit nga