Rama ka frikë vetëm nga çmenduria e tij, jo nga Luli!

25 Shtator 2018, 17:40, Aktualitet CNA

Rama ka frikë vetëm nga çmenduria e tij, jo nga Luli!

Kryeministri Edi Rama prej kohësh e ka shfaqur veten, si njeriun që është i aftë të bëjë gjithçka.

Mandatin e parë, ai e kërkoi votën e shqiptarëve duke u premtuar se do rilindte vendin dhe se do bënte atë që rilindësit e hershëm shqiptarë, Noli dhe Konica, nuk e bënë dot.

Kurse mandatin e dytë Rama e kërkoi votën, duke u thënë shqiptarëve se timonin duhet ta kishte vetëm ai, për ta drejtuar mirë vendin. Edhe pse kryeministri nuk di t?i japë një makine, u premtoi shqiptarëve se timonin për drejtimin e shqiptarëve do dinte ta mbante.

Nga psikologët, këto dy premtime të Ramës mund të përkufizohen me termin ?sindroma e heroit?, e cila në thelb është dëshira e një njeriu të padobishëm, për t?u hequr si lider dhe hero.

Madje Rama nuk u ndal me kaq. Për ta treguar veten si hero në fjalimet e tij ka kërkuar t?ia theksojnë edhe deputetët.

Kujtojmë këtu rastin e deputetes, Elisa Spiropali që u shpreh se Rama është Skëndërbeu i shqiptarëve, apo ish-drejtoreshën e tatimeve, Briseida Shehaj, e cila gjatë marrjes së çmimit ?Bleta Punëtore?, tha se pa Ramën nuk do ishte asgjë.

Psikologët shprehehn se një njeri që vuan nga sindroma e heroit ka një nevojë të pavetëdijshme për të qenë i nevojshëm, i respektuar ose i pranuar nga të gjithë.

Sipas tyre kjo sindromë nga jashtë është e maskuar si një gjë e mirë, por në shumicën e rasteve çon në çmenduri.

Këta të fundit argumentojnë se një njeri që vuan nga kjo sindromë, jep premtime të mëdha, që nuk realizohen, vishet në mënyrë aspak të zakontë për të tërhequr vëmendje.

Kryeministri ynë e bën shpesh këtë, kujtojmë këtu atletet që veshi në takimin e liderëve botërore, apo çitjanet që mbante veshur sot në një aktivitet.

Këtë gjë ndoshta e ka kuptuar edhe kryeministri Rama, i cili i ulur në karrigen e zyrës së tij mendon se cila do jetë shfaqja e radhës, në të cilën do u paraqitet shqiptarëve si hero.

Ndaj pas kësaj mund të thuhet se Rama nuk ka frikë nga Luli, sepse ky ndryshe thotë e ndryshe bën dhe këtë e ka vërtetuar shumë herë.

Sa herë pyetet nga gazetarët se a do e ndjekë këshillën e Berishës, për mos të hyrë në zgjedhje me Ramën, thotë se do flas për një çështje tjetër.

Ama Rama ka frikë se mos sindroma e heroit i del nga duart dhe këtë nuk do mundet t?ja fsheh as mjeshtri i PR, Endri Fuga, i cili ka një mendje ?pjellore?.

Kujtojmë këtu se edhe Napoleoni i madh ka vuajtur nga kjo sindrome, edhe pse ishte perandor pati fund tragjik. Dha shpirt në një qeli burgu./ CNA.al