Reagon Basha/ I përvëlon kunati dhe vjehrri

25 Shtator 2018, 14:38, Aktualitet CNA
Reagon Basha/ I përvëlon kunati dhe vjehrri

Pas akuzave që kreu i grupit të PS-së, Taulant Balla i adresoi pak më parë, ka reaguar kreu i Partisë Demokratike, Lulzim Basha.

Në një postim në rrjetet sociale, Basha shkruan se të gjitha sulmet kundrejtë opozitës janë propagandë e kryeministrit Edi Rama dhe shpifje për të mbrojtur pushtetin.

?Propaganda e Ramës i ka ndezur të gjithë motorrët. Shpifje e përbaltje për të mbrojtur pushtetin dhe paratë nga të gjithë shërbëtorët e mercenarët e Padronit dhe klientëve të tij. Hendeku midis oborrit të Ramës dhe njerëzve të thjeshtë do të thellohet. Unë jam në anën e njerëzve!?,- shkruan Basha.

Kryedemokrati duket kaq i përvëluar nga kunati e vjehrri saqë mundohet të reagojë pas çdo akuze të qeverisë.

Kujtojmë këtu se disa ditë më parë CNA.al zbuloi se kunati i Bashës, Erion Isufi në vitin 2017, siguronte 2 miliardë lekë xhiro nga kompania e tij “Landmark Communication”, ndërsa në shtet si fitim deklaronte vetëm 46 milionë lekë të vjetra.

Gjithashtu sot, CNA.al  ka siguruar dokumentin ekskluziv dhe lejen e ndërtimit në Tiranë, në kohën kur Bashkia e kryeqytetit drejtohej nga Lulzim Basha. Dokumenti i siguruar nga CNA.al vërteton se Basha i ka dhënë leje ndërtimi në Tiranë ortakut të vjehrrit të tij në biznes, Xhuvi Sharxhi.

Xhuvi Sharxhi është ortaku i Xhafer Isufit, në kompaninë ?Xh&Xh 2010? SH.P.K,  sipas ekstraktit të QKB, kompani kjo e themeluar në vitin 2010 një vit përpara se Lulzim Basha të merrte detyrën e kryebashkiakut të Tiranës./ CNA.al

Lajmet e fundit nga