web counter
LEXO PA REKLAMA!

SHKARKO APP

App Store
Google Play

Zbulohet baza e prostitucionit në Tiranë

25 Shtator 2018, 12:40, Aktualitet CNA

Policia e Tiranës ka goditur disa baza prostitucioni të cilat kryenin aktivitet në qëndra estetike në kryeqytet.

Mësohet se operacioni është zhvilluar nga Policia e Tiranës pas hetimeve intensive. Burimet bëjnë të ditur se janë goditur disa qendra relaksi, të cilat dyshohen se përdoreshin për prostitucion.

Nga ky aksion, janë arrestuar 3 persona ku ndaj tyre rëndon akuza për shfrytëzim prostitucioni?. Ndërkohë vijojnë hetimet për zbardhjen e plotë të të gjithë rrjetit.

Komunikata e policisë

Tiranë – Finalizohet pas 7 muajsh hetimi, operacioni policor i koduar ?Extra Service?.

Në pranga 3 administratorë qendrash masazhi për veprat penale të ?Shfrytëzim Prostitucioni? dhe ?Mbajtja e lokaleve për prostitucion?, si dhe 1 u shpall në kërkim.

Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me Prokurorinë e Rrethit Gjyqësor Tiranë, pas një pune hetimore 7-mujore, finalizuan operacionin policor të koduar ?Extra Service? në kuadër të të cilit u bë arrestimi i shtetasve:
– H. D., 33 vjeç, banues në Tiranë
– A. M., 28 vjeçe, banuese në Tiranë
– L. Q., 34 vjeçe, banuese në Tiranë
si dhe është shpallur në kërkim shtetasi M.M., 43 vjeç, banues në Tiranë

Ambientet e qendrave të masazhit qe administronin, ata i vendosnin në dispozicion për të ushtruar prostitucion, vajzat e punësuara në to. Gjithashtu janë proceduar në gjendje të lirë 7 punonjëse në këto qendra, për ushtrim prostitucioni.

Janë sekuestruar në cilësinë e provës materiale DVR, kamera vëzhguese, aparate celulare dhe 4 ambjente ku ushtrohej ky aktivitet. Materialet do t’i kalojnë Prokurorisë së Rrethit Gjyqësor Tiranë për veprime të metejshme. /CNA.al

 





Lajmet e fundit nga