LEXO PA REKLAMA!

SHKARKO APP

E fundit!

x

Fakt/ Veliaj rikioskëzon Tiranën për klientelen e tij

25 Shtator 2018, 08:25, Aktualitet CNA

Vendosja e kioskave të reja në Tiranë ka krijuar jo pak shqetësim te qytetarët, të cilët i shohin si zaptim të hapësirave publike, të cilat gjatë 26 viteve të fundit kanë ardhur duke u ngushtuar.

Shtimi i kioskave në Tiranë dhe vendosja e tyre në çdo kryqëzim të rëndësishëm sjell në kujtesë kohën kur kryeqyteti ishte kthyer në strehën e qindra kioskave të paligjshme, situatë e cila kulmoi në vitin 1998.

Të gjendur përpara një kioskizimi të pandalshëm të Tiranës në vitin 1999 nisi shkatërrimi i tyre, proces i cili mori hov gjatë vitit 2000, kur kryeqyteti drejtohej nga kryeministri Edi Rama.

Por, çfarë po ndodh sot në Tiranë, nën drejtimin e kryebashkiakut Erion Veliaj?

Ajo që rezulton tashmë nën drejtimin e Veliajt është edhe rilindja e kioskave, të cilat kanë filluar të mbijnë në Tiranë si kërpudhat, kudo vend e pa vend.

Klientela e Veliajt po mbjell kioska vend e pa vend, ku në jo pak raste kioskëzimi i ri i Tiranës është më i gjerë edhe se trotuari. Kjo vihet re të Rruga ?Petro Nini? (tek njësia administrative 1 dhe 2).

Kioskat kanë bllokuar trotuaret dhe njerëzit që dalin në rrugë tashmë nuk këmbehen.  Kioskat kanë pushtruar Tiranën kudo si në vitet ?93, por me ndryshimin e vetëm se këtë herë janë më të fisme dhe me miliona fitime për kryebashkiakun Veliaj dhe dhe klientelen e tij.

Sigurisht që vendosja e këtyre kioskave bëhet për llogari të një biznesmeni që merr shërbime nga bashkia e Tiranës. Në media jo pak herë për pronësinë e tyre është akuzuar pronarja në minorancë e Top Channel, Vjollca Hoxha. Një televizion Kombëtar me kioska?!

Por, gjithësesi ajo që shqetëson qytetarët është se ato po kthehen ne problem për banoret e Tiranës, pasi po mbijnë si kërpudha kudo dhe pa asnjë kriter./CNA.al

Lajmet e fundit nga