LEXO PA REKLAMA!

SHKARKO APP

App Store
Google Play

E fundit!

x

Abuzimi me koncesionet/ Gjiknuri i përgjigjet “dhëmbë për dhëmbë” opozitës

25 Shtator 2018, 10:38, Aktualitet CNA
Abuzimi me koncesionet/ Gjiknuri i përgjigjet “dhëmbë

Ministri i Infrastrukturës dhe Energjitikës, Damian Gjiknuri, pas një aktiviteti për nxitjen e investimeve në sektorin energjitik, u është përgjigjur akuzave të Partisë Demokratike, për abuzimin me koncesionet.

Gjiknuri i ka quajtur akuzat e opozitës një manifestim të degradimit në një nivel parapolitik dëshpërues.

Sipas ministrit, deklarata të tilla kërcënojnë zhvillimin ekonomik të një vendi.

Më tej ai shtoi, se ka ikur koha kur partitë për interesa politike mund të kërcënojnë bizneset në këtë vend.

“Nuk e mendoja nivelin e degradimit deri në situata parapolitike të një partie kryesore opozitare që pretendon të vijë në pushtet, sepse deklarata të tilla, më e pakta janë gjobëvënie, kurse më e shumta janë të kërcënosh zhvillimin ekonomik të këtij vendi. Shqipëria është anëtare e konventave që mbrojnë çdo lloj investimi. Dhe ka ikur koha kur një parti politike për interesat e saj politike, mund të kërcënojë bizneset të cilat investojnë në këtë vend, apo të mund të ndërmarrë masa, të cilat janë të denja për regjime të cilëve u ka ikur koha. E quaj thjesht manifestim i degradimit të partisë demokratike në një nivel parapolitik dëshpërues. Politika do të vazhdojë politikat e saj zhvillimore sepse zhvillimi është për shumicën e shqiptarëve pavarësisht kush është në pushtet”, është shprehur Gjiknuri. /CNA.al

 

Lajmet e fundit nga