web counter
LEXO PA REKLAMA!

SHKARKO APP

App Store
Google Play

Plagosja në Fier/ Arrestohet autori dhe e fejuara e tij

31 Janar 2018, 11:08, Aktualitet CNA

Policia ka zbardhur ngjarjen e plotë të plagosjes me armë të 19-vjeçarit ditën e djeshme.

Në arrest kanë përfunduar autori i plagosjes si edhe e fejuara e këtij të fundit për armbajtje pa leje.

Specialistët për Hetimin e Krimeve në Komisaraitin e Policisë Fier, pas një pune hetimore arrestuan në flagrancë shtetasit: E. Hajderasi dhe L.M, 19 vjeçe, banuese në Fier.

Në datën 30.01.2018, rreth orës 15:45, shtetasi E. Hajderasi, në banesën e tij ka plagosur nga pakujdesia me armë zjarri pistoletë shtetasin R.Gj, 19 vjeç.

Nga kontrolli i ushtruar në banesën e shtetasit Enea Hajderasi dhe të fejuarës së tij, shtetases L.M u gjetën dhe sekuestruan në cilësinë e provës materiale dy armë zjarri pistoletë të markave “Miniblov” dhe “Zastava”, një krehër me 9  fishekë model 57, 65 copë fishekë model 56 si edhe 1 gëzhojë pistolete.

Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe mbajtja pa leje e armëve dhe municionit luftarak” e kryer në bashkëpunim dhe “Plagosje e lehtë nga pakujdesia” parashikuar nga Nenet 287e25  dhe 92 të Kodit Penal./CNA.al





Lajmet e fundit nga