E fundit!

11:58 Politikë

Braktiset nga kandidatët/ Alibeaj mbledh grupin e "vulës"

Kryetari i grupit të "vulës", Enkelejd Alibeaj ka mbledhur...

"Ekstradimi i Seitit është një gabim”/ Reagon ish-ministri i Ramës: Ky është një krim i rëndë

31 Janar 2018, 08:47, Aktualitet CNA

Çështja e ekstradimit të financierit të Habilajve, Nezar Seiti vijon të mbetet një temë e nxehtë e debateve politike.

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me një deklaratë të deputetes Vasilika Hysit, e cila është shprehur se ?ekstradimi i Seitit, mund të jetë një gabim?.

Në një postim në rrjetet sociale, Manjani shkruan ndër të tjera se ?krimi nuk është gabim?.

Gjithashtu ai shkruan se ?Më vjen mirë që të paktën e pranojnë që ky Ekstradim u bë në shkelje të ligjit Shqiptar?.

Manjani nuk ka lënë mënjëanë edhe ministrin e Brendshëm, Fatmir Xhafaj, për të cilin u shpreh se ?la në baltë? kolegen e tij ministre të Drejtësisë duke pranuar se ?nuk do ta kishte firmosur një ekstradim të tillë?.

Manjani thekson se sipas ligjit tonë askush nuk mund te ekstradohet në një shtet tjetër, nëse ndaj tij ka një çështje penale të hapur në Shqipëri.

Postimi i plotë:

Krimi nuk është gabim!
????-
Zonja Vasilika Hysi, profesore e së drejtës dhe deputete e Kuvendit, sugjeron se..?ekstradimi i Seitajt, mund të jetë një gabim?!

Më vjen mirë që të paktën e pranojnë që ky Ekstradim u bë në shkelje të ligjit Shqiptar! Këtë gjë pak a shumë pranoi edhe Ministri i Brendshëm, kur ?la në baltë? kolegen e tij ministre të Drejtësisë duke pranuar se ?nuk do ta kishte firmosur një ekstradim të tillë?.

Ndërkohë reagimi i vetë Ministres dhe më herët i Prokurores së Përgjithshme është krejt tjetër gjë. Asnjëra nuk tregoi ndonjë shenjë pendese, aq më pak ndonje fjest ndjese! Të dyja me arrogancë mbrojnë pozicionet e tyre absurde në shkelje të ligjit!

E përsëris: sipas ligjit tonë askush nuk mund te ekstradohet në një shtet tjetër, nëse ndaj tij ka një çështje penale të hapur në Shqipëri!

Kjo kërkesë ligjit e vendosur në kontekstin e përgjegjësive ligjore që kanë, kur nuk zbatohet bën përgjegjës direkt: Ministrin e Drejtësisë dhe Prokurorin e Përgjithshëm!

Kjo është përgjegjësi me faj dhe jo gabim njerëzor, siç mundohet ta shesë zonja Hysi!

Është e gjitha një veprimtari shtetërore e kryer me faj të rëndë dhe në bashkëpunim!

Prokurori i Krimeve të Rënda, në vend të bëjë deklarata publike, duhet të hetojë me përparësi: Prokuroren e Përgjithshme, Ministren e Drejtësisë, drejtoritë e Marrëdhenieve Juridiksionale në të dyja institucionet, zyrën e Interpolit, drejtuesit e Burgjeve dhe grupin e gjykatësve dhe prokuroreve që kanë kryer procedurën e ekstradimit!

Të gjithë këto zyrtarë me në krye Ministren dhe Prokuroren e Përgjithshme KISHIN PËR DETYRË të dinin statusin ligjor dhe ta mbanin këtu të pandehurin!

Kjo është çështje tipike për Krimet e Rënda! Jo për prokurorinë e Durrësit!

Subjektet që duhen hetuar janë për në burg e jo për plazh!

Ky nuk është gabim, por krim! I rëndë madje!/ CNA.al