Emri i ri i Maqedonisë/ I dërguari i OKB-së viziton Shkupin

31 Janar 2018, 16:55, Aktualitet CNA

?Kishim takime të mira në Athinë. Shpresoj se do të kemi takime të mira edhe këtu. I gëzohem takimeve me Qeverinë dhe liderët tjerë?, ka qenë deklarata e shkurtër e ndërmjetësit të OKB-së, për zgjidhjen e çështjes së emrit të ri të Maqedonisë, Methju Nimic, pas arritjes në kryeqytetin Shkup.

Deklaratën paraprake Nimic, e ka dhenë paraditen e sotme nga ambientet e hotelit ?Holiday?, në Shkup, ku ai është akomoduar së bashku me bashkëpunëtorët e tij.

Sipas paralajmërimeve të MPJ-së, deklaratën zyrtare rreth vizitës dhe efekteve të bisedimeve në Shkup, ndërmjetësi Nimic do ta japë nesër pas takimit me ministrin e Punëve të Jashtme, Nikolla Dimitrov.

Gjatë qëndrimit dyditor në Shkup Nimic, siç është paralajmëruar, do të pritet nga presidenti Gjorge Ivanov, kryeministri Zoran Zaev, ndërsa do të ketë takime me ministrin e Punëve të Jashtme Nikolla Dimitrov, me kryetarin BDI-së Ali Ahmeti dhe  me kryetarin e VMRO-DPMNE-së Hristian Mickovski, njoftojnë mediat maqedonase./CNA.al 

Lajmet e fundit nga