Aplikimi i Majlinda Bregut për Këshillin e Bashkëpunimit Rajonal/ Gjekmarkaj: Tymnajë e pandershme nga PD

31 Janar 2018, 17:48, Aktualitet CNA

Pas publikimit të lajmit ku ish-ministrja e Integrimit, Majlinda Bregu, ka aplikuar për vendin vakant të Sekretares së Përgjithshme të KBR, ka reaguar dhe analisti Agron Gjekmarkaj.

Në një analizë të publikuar nga gazeta ?Panaroma?, Gjekmarkaj, ka thënë se do të ishte një gjë pozitive për Shqipërinë,  posti që deri më sot është mbajtur nga sllavët ta fitonte Bregu.

Më tej Gjekmarkaj shkruan se përfolja e këtij aplikimi të ish-ministres Bregu, sikur të jetë favorizuar nga Rama, e ka quajtur asgjë më shumë sesa përfolje të PD-së, kjo sepse sipas tij PD e ka në traditë përfoljen e kundërshtarve të brendshëm, ?dorëzimin? e tyre te armiku.

Analiza e plotë:

Sot u shpërnda lajmi se ish ministrja  e Integrimit, Majlinda Bregu ka  aplikuar për vendin e Sekretares së Përgjithshme të KBR (Këshillit të Bashkëpunimit  Rajonal). Së pari uroj që Zonja Bregu ta fitojë atë. Institucioni më i rëndësishëm për integrimin e pjesës së mbetur të gadishullit në Europë.

Me gjasë konkurenca është shumë e fortë dhe vetëm një profil i lartë politik i njohur, për vendet e BE-së dhe Komisionin e Brukselit mund të ketë shanse fitoreje. Deri më tash këtë post e kanë patur vendet sllave.  Do të ishte një gjë e mirë për Shqiperinë. Por lajmi i sapo dalë mori trajtat e teorive konsipirative.

Që Zonjës në fjalë  Kryeministri Edi Rama ja paskësh firmosur kërkesën. Edhe sikur të ishte e vërtetë kjo ska asgjë të keqe. Edi Rama është Kryeministri i Shqipërisë i zgjedhur në mënyrë demokratike përtej faktit në i pëlqen apo shkruesit të këtyre rrallëve apo shumë të tjerve që janë kritik me të.

Nëse kështu do të ishte ai ka zgjedhur personin e duhur ministren që ka patur më shumë se asnjë tjetër në procesin e integrimit Europian, një figurë politike të dorës së parë të opozitës. Por edhe kjo s?qenkësh e vërtetë. Bregu paska aplikuar me emrin e saj nëpërmjet Ministrisë së Jashtme të vendit tonë kërkesë e përcjellë me firmën e ish Sekretarit të Përgjithshëm, Ferid Hoxha. Por edhe sikur ta mbështeste qeveria asgjë të keqe s?do të kishte. Sali Berisha dikur ka mbështetur Pandeli Majkon për një pozicion në OKB që nuk u arrit dhe shumë mirë ka bërë. Berisha e dinte vlerën e akteve të tilla, por jua njihte edhe rëndësinë për vendin. Shqipëria ka një votë në këtë organizëm dhe Ditmir Bushatit ju thaftë dora nëse nuk voton për shqiptaren e vet.

Por rasti krijon lajm e thashetheme të cilat mund ta kenë gurrën e frymëzimit tek Selia e PD-së. Majlinda Bregu u la jashtë listave sepse ishte një konkurrente serioze për Lulzim Bashn. PD e ka në traditë përfoljen e kundërshtarve të brendshëm, ?dorëzimin? e tyre te armiku. Bregu u duhej ?bashkëpunëtore? e Ramës dhe ky u shfaqet si  rasti i artë për ?ta kryqëzuar? ! Ja u thamë Basha kishte të drejtë, atë e rekrutoi Rama, sokëllin frota që bukën prej vitesh asaj nahie e qet duke lyer ullukun e shpifjeve dhe shërbimeve. Tani me këtë zell i janë afruar Bashës në vështërsi prej egos së vet. Ata po i gjejnë armiq. Majlinda Bregu s?ka arsye të mbaj? ?jaz? për Lulzim Bashën, as të hulumtojë rrokjet e thirrjes së tij qesharake për bashkim. Ajo ka nevojë të punojë e të jetojë paçka se partia e vet po e trajton si dikur ajo komuniste Ramize Gjebrenë. Po e ?vret? me thashetheme.  Uroj që zonja ta vazhdojë e padekurajuar betejën për ta marrë atë zyrë. Do i bëj nder vendit të vet dhe sigurisht do gjejë sodisfaksionin personal. Diversioni në këtë rast shërben vetëm për të përligjur abuzimet e Lulzim Bashës me karrierën e saj./CNA.al

Lajmet e fundit nga