LEXO PA REKLAMA!

SHKARKO APP

App Store
Google Play

E fundit!

x

Prodhuesi më i madh i iPhone pëson rënie të të ardhurave/ “Foxconn” zbulon arsyen

6 Mars 2023, 07:57, Tech CNA
Prodhuesi më i madh i iPhone pëson rënie të të
Foto ilustruese

Prodhuesi më i madh i Apple, Foxconn, thotë se të ardhurat e tij muajin e kaluar ranë me 11.65% krahasuar me të njëjtën periudhë të vitit 2022 për shkak të kërkesës më të dobët për elektronikë.

Të ardhurat e shkurtit ishin më shumë se 13 miliardë dollarë, shifra e dytë më e lartë në rekord për këtë muaj.

Foxconn shtoi se puna në fabrikën më të madhe në botë të iPhone në qytetin kinez të Zhengzhou po vijon me hapa të shpejtë pas ndërprerjes për shkak të pandemisë.

Gjithashtu gjatë fundjavës firma tha se po eksploronte mundësitë për aktivitetin e saj në Indi.

Foxconn tha në një deklaratë të dielën se të ardhurat nga kompjuteri, pajisjet elektronike inteligjente dhe produktet cloud, ranë në shkurt nga një vit më parë për shkak të tërheqjes së klientëve.

“Bazuar në performancën e të ardhurave në dy muajt e parë, perspektiva për tremujorin e parë të 2023 është afërsisht në përputhje me pritjet e tregut”, shtoi kompania.

Në nëntor, Apple paralajmëroi se dërgesat e iPhone 14 do të vonoheshin pasi zyrtarët kinezë mbyllën zonën ku ndodhej fabrika e Foxconn në Zhengzhou.

Dy javë më vonë në fabrikë shpërthyen protestat, të cilat ndërprenë prodhimin pasi mijëra punëtorë u larguan nga linjat e prodhimit.

Muajin e kaluar, Foxconn tha se të ardhurat e saj në janar ishin rritur me 48.2% nga një vit më parë për të arritur një rekord të lartë, pasi prodhimi në Zhengzhou u kthye në nivelet që ishte para pandemisë.

Foxconn iu përgjigj raporteve se kishte rënë dakord të zgjeronte ndjeshëm aktivitetin e saj në Indi, pasi kryetari dhe shefi ekzekutiv i saj, Young Liu, vizitoi vendin javën e kaluar.

Mediat raportuan se firma planifikoi të investonte deri në 1 miliard dollarë në një fabrikë të madhe iPhone në Bengaluru. Kishte gjithashtu raporte se investimi i Foxconn në Indi do të krijonte rreth 100,000 vende pune.

iPhone-ët aktualisht montohen në Indi nga disa furnizues të Apple, duke përfshirë Foxconn.

Kompania me seli në Tajvan, e cila njihet zyrtarisht si Hon Hai Precision Industry, i monton pajisjet në një vend në Tamil Nadu./ CNA.al

Lajmet e fundit nga