LEXO PA REKLAMA!

SHKARKO APP

App Store
Google Play

Kriza prek edhe “Paypal”/ Pritet të shkurtojë 2000 vende pune

1 Shkurt 2023, 16:02, Tech CNA
Kriza prek edhe “Paypal”/ Pritet të shkurtojë 2000 vende
Foto ilustruese

Kriza te gjigantët e teknologjisë vijon. Pas shumë kompanive të mëdha teknologjike si Meta, Google, e shumë të tjerë, edhe PayPal po shkarkon 2000 punonjës.

Kompania e pagesave "online" thotë se ishte e detyruar të merrte vendimin pasi përballet me "mjedisin sfidues makroekonomik".

Njoftimi i PayPal pason dhjetëra mijëra pushime nga puna nga gjigantët e teknologjisë vetëm gjatë muajit të fundit.

Këtë vit, kompania mëmë e Google, Alphabet, Amazon dhe Microsoft kanë njoftuar shkurtime të mëdha të vendeve të punës.

"Ne duhet të vazhdojmë të ndryshojmë ndërsa bota jonë, klientët tanë dhe peizazhi ynë konkurrues evoluojnë," tha në një deklaratë shefi ekzekutiv i PayPal, Dan Schulman.

Gjithashtu të martën, Snap - kompania mëmë e platformës së mediave sociale Snapchat - paralajmëroi se të ardhurat për tre muajt deri në fund të marsit mund të bien deri në 10%.

Pas njoftimit, aksionet e Snap ranë me pothuajse 15% në Nju Jork.

Çfarë fshihet pas shkurtimeve të vendeve të punës nga kompanitë e mëdha të teknologjisë?

Në fillim të këtij viti, Amazon njoftoi se planifikonte të shkurtonte më shumë se 18,000 vende pune për shkak të krizës ekonomike.

Gjithashtu këtë muaj, Alphabet tha se do të largonte 12,000 vende pune, ndërsa Microsoft tha se deri në 10,000 punonjës do të humbnin punën e tyre.

Javën e kaluar, gjiganti suedez i transmetimit të muzikës, Spotify, tha se do të shkurtonte 6% të rreth 10,000 punonjësve të tij, duke përmendur nevojën për të përmirësuar efikasitetin.

Në një tjetër shenjë të ngadalësimit të industrisë së teknologjisë, prodhuesi amerikan i çipave kompjuterikë Advanced Micro Devices (AMD) raportoi të martën një rënie prej 98% të të ardhurave neto për tre muajt e fundit të 2022.

Kompania tha gjithashtu se pret që të ardhurat të bien me 10% në tremujorin aktual./ CNA.al

Lajmet e fundit nga