Përmbysje në shtesë, Brazili siguron kualifikimin

29 Qershor 2026, 19:05, Sport CNA

Kupa e Botës është futur në fazën vendimtare, ku Brazili dhe Japonia përballen për një vend në fazën e 1/8-ve.

Trajneri i Seleçaos, Carlo Ancelotti, ka vendosur të mos eksperimentojë, duke hedhur në fushë të njëjtin formacion fitues që mposhti Skocinë në ndeshjen e fundit.

Në krahun tjetër, tekniku i Japonisë, Hajime Moriyasu, ka zgjedhur të bëjë disa ndryshime taktike në rreshtim krahasuar me sfidën e fundit të grupit.

BRAZIL-JAPONI 2-1

KOMENTI LIVE

90+5’- GOOOOOOL BRAZILI 2-1! Gabriel Martinelli përmbys rezultatin, duke shënuar në frymën e fundit pas një asisti të marrë nga Guimaraes. Ky është goli i kualifikimit.

90+3’- Endrick lëviz në të djathtë, por dublohet nga dy mbrojtës dhe fiton goditje këndi.

86’- Provon Endrick me një vertikalizim për Martinellin, por portieri Suzuki del dhe largon rrezikun me këmbë.

82’- Ndërhyrje e gabuar e J. Suzukit ndaj Danilos në afërsi të zonës. Lojtari japonez ndëshkohet me karton të verdhë.

67’- Dy zëvendësime të dy ekipet. Martinelli merr vendin e Cunha te Brazili, ndërsa te Japonia largohen Doan dhe Nakamura, ndërsa vendin e tyre e marrin Sugawara dhe Suzuki.

58’- Pranë golit të përmbysjes Brazili me Vinicius. Sulmuesi sheh gjuajtjen të devijohet nga portieri dhe të përplaset te shtylla.

56’- GOOOOOL BRAZILI 1-1! Shpërthen festa e brazilianëve. Casemiro shënon me kokë, pas një krosi nga Gabriel. Shpërblehet dominimi i Brazilit.

53’- Nuk i besojnë syve të Brazili. Mundësi e artë shënimi me kokë nga Douglas Santos. Topi ndalet mbi vijën fatale nga mbrojtësit japonezë.

52’- Pranë barazimit Brazilit. Gjuajtje e bukur me kokë nga Guimaraes, e cila gjen reagimin e shkëlqyer të portierit Suzuki.

45′- Starton pjesa e dytë e takimit. Brazili bën zëvendësim, Endrick merr vendin e Paqueta.

Mbyllet pjesa e parë.

45’- Brazili tenton të niset në kundërsulm me Guimaraes, por Kamada shkakton faull në nisje dhe ndëshkohet me karton të verdhë.

43’– Vuajnë brazilianët. Japonia hidhet në sulm, në kërkim të golit të dytë.

39’- Goditje potente nga Cunha, me topin që shkon në duart e portierit Suzuki.

29’- GOOOOOL JAPONIA 0-1! Vjen surpriza e madhe. Aziatikët kalojnë në avantazh me Sano, i cili me një gjuajtje të fortë nga jashtë zone, e ndal topin në fundin e rrjetës.

15’- Ndëshkohet me karton të verdhë Casemiro, për ndërhyrje të gabuar ndaj Itos në afërsi të zonës.

14’- Nis shpejt goditja e këndit. Guimaraes gjuan në zonë, por topi shkon ngjitur me shtyllën.

13’- Gjuajtje e bukur me të majtën nga Cunha, i cili i afrohet golit. Suzuki me një pritje vendimtare e devijon në këndore.

4’- Kërkohet Vinicius në thellësi, por del portieri Suzuki dhe largon me kokë.

2’- Brazili menjëherë në sulm. Bruno Guimaraes provon me një gjuajtje të fortë, e cila devijohet në këndore.

Starton sfida.

Cup tree provided by Sofascore