Gjashtë gola në Angli-Kroaci

17 Qershor 2026, 21:58, Sport CNA

Kombëtarja e Anglisë ka regjistruar një start të suksesshëm në Kupën e Botës, duke mposhtur Kroacinë me rezultatin 4-2 në ndeshjen e parë të Grupit L.

Skuadra e drejtuar nga Thomas Tuchel e meritoi fitoren falë lojës së saj dominuese përgjatë pjesës më të madhe të takimit. Harry Kane hapi serinë e golave në minutën e 12-të, por ballkanasit barazuan përkohësisht me një goditje të fortë të Baturinës në minutën e 36-të.

Vetëm 6 minuta më vonë, sulmuesi anglez shënoi sërish me kokë për të rikthyer epërsinë, përpara se Musa të baraspeshonte shifrat në 2-2 pak para fundit të pjesës së parë.

Fraksioni i dytë nisi me një ritëm më të lartë për "Tre Luanët", të cilët gjetën golin e tretë në minutën e 47-të me anë të Jude Bellingham, ndërsa Marcus Rashford vulosi fitoren në minutën e 85-të.

Rezultati mund të ishte edhe më i thellë, por portieri kroat Dominik Livakovic ndaloi disa raste të tjera të pastra të anglezëve.

ANGLI-KROACI 4-2

KOMENTI LIVE

Mbyllet ndeshja.

84’- GOOOOOL ANGLIA 4-2! Marcus Rafshord i futu nga stoli, ia del të shënojë të katërtin pas një kundërsulmi të shpejtë. Vuloset fitorja e anglezëve.

76’- Pranë golit të barazimit Kroacia. Pickford bën pritje të shkëlqyer ndaj Pasalic.

74’- Kthim i gabuar i topit nga kroatët, Livakovic del dhe largon me vështirësi.

57’- Livakovic është i pakalueshëm. Portieri i Kroacisë ndal dy gjuajtje të forta nga Harry Kane.

56’- Sulme asfiksuese nga Anglia. Livakovic i habit të gjithë me dy pritje të njëpasnjëshme.

52’- Çfarë pritje nga Livakovic. I mohon golin e katërt mesfushorit Rice.

48’- Nuk ndalet Anglia. Livakovic ndal Bellingham, ndërsa nga goditja e këndit O’Reilly provon me kokë, por topi shkon ngjitur me shtyllën.

47’- GOOOOOL ANGLIA 3-2! Pjesa e dytë nis aty ku u mbyll e para. Jude Bellingham rikthen avantazhin e anglezëve, me një gjuajtje të fortë nga e djathta.

Mbylle pjesa e parë.

45+4’- GOOOOOL KROACIA 2-2! Nuk kanë fund emocionet. Musa rikthen baraspeshën, pas një asisti perfekt të marrë nga Perisic me kokë.

42’- GOOOOOL ANGLIA 2-1! Harry Kane tund rrjetën sërish. Sulmuesi fiton duelin pas një goditje këndi dhe me kokë dyfishon shifrat.

36’- GOOOOOL KROACIA 1-1! Supergol nga Baturina, me një predhë nga jashtë zone. Lojtari i Comos merr një asist perfekt nga Sucic dhe ia del të barazojë shifrat.