web counter
LEXO PA REKLAMA!

SHKARKO APP

Juventusi kërkon portier, synon lojtarin e rivalëve

30 Qershor 2026, 20:06, Sport CNA

Juventusi kërkon portier, synon lojtarin e rivalëve

Juventusi vazhdon të kërkojë një portier të ri për të zëvendësuar Di Gregorion, ndërsa paralelisht pret rikthimin e Randal Kolo Muanit në repartin ofensiv.

Në listën e bardhezinjve vazhdojnë të mbeten Emiliano Martinez dhe Guglielmo Vicario, për të cilët kontaktet kanë nisur prej kohësh.

Së fundmi, Juventusi ka zhvilluar edhe bisedime me Romën për Mile Svilar, portierin 26-vjeçar që ka kontratë deri në vitin 2030. Megjithatë, Roma nuk është e gatshme të negociojë për më pak se 40 milionë euro, duke e bërë operacionin të vështirë.

Klubi verdhekuq preferon të konsiderojë shitjen e lojtarëve si Manu Kone dhe Evan Ndicka në rast ofertash të rëndësishme. Në këto kushte, Vicario konsiderohet alternativa më e arritshme, me Tottenham që kërkon rreth 15 milionë euro për 29-vjeçarin.

Në listën e Juventusit është edhe Marco Carnesecchi i Atalantës, por klubi bergamask e vlerëson portierin e lindur në vitin 2000 rreth 40 milionë euro.





Lajmet e fundit nga