LEXO PA REKLAMA!

SHKARKO APP

Jo vetëm Milani dhe Napoli, emri i Borjës përfundon në zyrat e skuadrës tjetër italiane

17 Mars 2023, 14:39, Sport CNA

Një tjetër transferim Londër-Milan mund të realizohet gjatë merkatos së verës. Interi prej kohësh është në kërkim të një sulmuesi që do të premtonte edhe për të ardhmen.

Në këto kushte sipas “Calciomercato” Armando Broja ka përfunduar në zyrat  e zikaltërve dhe është pikërisht sulmuesi shqiptar që nga drejtuesit shikohet si zëvendësuesi i Romelu Lukakut. Ky i fundit në fund të sezonit me shumë gjasa do të niset drejt Londrës.

Marotta dhe Ausilio po studiojnë me imtësi këtë pistë dhe 21-vjeçarin fillimisht e kërkojnë në formë huazimi dhe shikohet si profili i duhur për skemat e Simone Inzaghit. Nëse ky operacion rezlizohet atëherë për lojtarin e kombëtares shqiptare do të ishte një tjetër hap i rëndësishëm në karrierën e tij për të treguar gjithë potencialin dhe karakteristikat që ka.

Kujtojmë se Broja u dëmtua në muajin nëntor ku më pas iu nënshtrua edhe një operacioni në gju dhe tashmë po vazhdon fazën e rikuperimit, ndërsa praktikisht sezoni për të mund të konsiderohet i mbyllur.

Lajmet e fundit nga