LEXO PA REKLAMA!

SHKARKO APP

E fundit!

x

Yjet e Napolit tërheqin vëmendjen, ja dy të sakrifikuarit në merkaton e verës

17 Mars 2023, 12:34, Sport CNA

Yjet e Napolit tërheqin vëmendjen, ja dy të sakrifikuarit në

Napoli po përjeton sezonin më të mirë të historisë së tij, duke tërhequr vëmendjen e gjithë Europës me rezultatet e tij. Kjo meritë edhe e një grupi të shkëlqyer lojtarësh, që janë ndërthurur mjaft mirë, duke dominuar në Serinë A dhe avancuar në çerekfinalet e Champions League.

Gjithsesi, klubi po punon edhe për të ardhmen, duke ruajtur ekuilibrat financiarë dhe duke tentuar diçka më shumë se ky sezon. Kështu, sipas mediave italiane, duhen shitur disa nga lojtarët për të ndërtuar një ekip edhe më të fortë.

Për të mbajtur Victor Osimhen, që është shprehur se për të ardhmen do të vendosë në verë dhe Khvicha Kvaratskhelia, dy të sakrifikuarit pritet të jenë Piotr Zielinski dhe Hirving Lozano. I pari ka një kontratë që skadon verën e vitit 2024, por mund të largohet për 40 milionë euro.

E njëjta situatë edhe për Lozanon, që ka një kontratë deri në vitin 2024, por që kushton rreth 25 milionë euro. Napoli shpreson të arkëtojë mbi 60 milionë euro nga shitja e këtyre dy lojtarëve, për të investuar më tej sërish në merkato. Për të dy këta futbollistë ka pasur interes nga Premier League.

Lajmet e fundit nga