LEXO PA REKLAMA!

SHKARKO APP

App Store
Google Play

Interi kërkon Armando Brojën, kjo është formula që i ofron Chelsea-t

17 Mars 2023, 10:20, Sport CNA
Interi kërkon Armando Brojën, kjo është formula që i

Pas Milanit dhe Napolit, tashmë edhe Interi është vënë pas Armando Brojës. Zikaltrit po mendojnë për sezonin e ardhshëm, ku mangësitë në repartin e avancuar do të jenë të dukshme.

Lukaku do të rikthehet në radhët e Chelsea-t, ndërsa Dzeko ende nuk ka rinovuar kontratën e tij.Për të zgjidhur problemet në majën e sulmit, Marotta dhe Ausilio kanë menduar për Armando Brojën.

Sulmuesi shqiptar po kalon një periudhë të vështirë për shkak të dëmtimit të rëndë që pësoi dhe pas rikthimit të tij në fushë hapësirat pritet të jenë të pakta. 21-vjeçari ka nevojë për minuta dhe Interi është i gatshëm t’ia japë.

“Calciomercato.it" raporton se zikaltrit mendojnë huazimin e tij për një sezon, ku do të shohin edhe reagimin e sulmuesit pas dëmtimit të gjatë, si dhe përshtatjen e tij me skuadrën dhe kampionatin.

Nëse gjithçka shkon si duket, atëherë klubi italian do të jetë i gatshëm të blejë kartonin e tij. Mbetet për t’u parë se cila do të jetë e ardhmja e yllit të Kombëtares shqiptare.

Me siguri kjo verë do jetë shumë e nxehtë për Brojën, pasi largimi i tij nga “Blutë” duket shumë i sigurt. Ndërkohë që interesimi për të do jetë shumë i madh nga disa klube dhe kampionate.

Lajmet e fundit nga