LEXO PA REKLAMA!

SHKARKO APP

App Store
Google Play

E fundit!

x

Trajneri i Legias i tregon Sylvinhos për Muçin: Ja ku duhet të përmirësohet

16 Mars 2023, 19:29, Sport CNA
Trajneri i Legias i tregon Sylvinhos për Muçin: Ja ku duhet të

Ernest Muci është një prej lojtarëve të thirrur nga ana e Silvinjos për ndeshjen me Poloninë. Kjo është konfirmuar nga mediat polake, ndërsa trajneri i Legias së Varshavës, Runjaic, e ka vlerësuar futbollistin shqiptar.

Ai ka dhënë mendimin e tij rreth Muçit që do t’i shërbejë jo pak edhe Silvinjos për të krijuar një ide rreth këtij lojtari.

“Jemi të kënaqur me Ernest Muçin. Ky futbollist ka marrë një formë të mirë, ndonëse ka pasur edhe më parë ndezje të rregullta të talentit të tij.

Unë mund të shoh ndikimin që ka në lojë. Më duket sikur është pjekur. Ai duhet të punojë ende në zbatimin taktik, por dëgjon në stërvitje dhe ende mendoj se ka treguar vetëm një pjesë të aftësive të tij. Ka një vend të madh për përmirësim”, tha Runjaic.

Një tjetër ftesë është zyrtarizuar te Shqipëria. Kombëtarja do të luajë në transfertë me Poloninë dhe ditën e nesërme do të publikohet lista e kuqezinjëve. Megjithatë deri tani është zbuluar nga vetë klubi ardhja e Taulant Seferit dhe së fundmi e Ernest Mucit.

Lojtari i Legias luan në Poloni dhe i njeh më mirë se kushdo tjetër kundërshtarët dhe vetë ambientin. Ernest Muçi është thirrur nga Silvinjo për ndeshjen e parë të kualifikueseve të Europianit, ndërsa ky lojtar ka hasur jo pak vështirësi me Rejën më parë.

Lajmet e fundit nga