LEXO PA REKLAMA!

SHKARKO APP

Vendoset fati i Juventusit dhe Serisë A, mësohet data kur jepet vendimi për pikët e hequra në renditje

16 Mars 2023, 19:06, Sport CNA
Vendoset fati i Juventusit dhe Serisë A, mësohet data kur jepet

Ora 14:30 e datës 19 prill do të jetë shumë e rëndësishme për skuadrën e Juventusit, Mediat italiane kanë mësuar se në këtë datë është caktuar që të zhvillohet seanca e Kolegjit të Garancisë në Komitetin Olimpik Italian, që do të japë vendimmarrjen sa i përket apelimit të bardhezinjve për çështjen e plusvalencave.

Juventusi u dënua nga Gjykata Federale e Federatës me heqjen e 15 pikëve nga klasifikimi i sezonit aktual të Serisë A. Një vendim i cili ndryshoi plotësisht panoramën e kampionatit pasi largoi bardhezinjtë nga gara për Ligën e Kampioneve.

Klubi torinez apeloi vendimin, duke e vlerësuar të padrejtë dhe jashtë rregulloreve e afateve përkatëse. Sot është caktuar edhe data kur do të zhvillohet mbledhja për shqyrtimin e dokumentacionit dhe jepet vendimi i cili do të përcaktojë nëse kishte të drejtë Gjykata Federale e Apelit, apo nëse bardhezinjve do t’u kthehen përsëri pikët e hequra për çështjen në fjalë.

Lajmet e fundit nga