LEXO PA REKLAMA!

SHKARKO APP

Murinjo, “mbret” i ironisë: A ka një garë tjetër ku të luajë Lacio?!

17 Mars 2023, 11:09, Sport CNA

Murinjo, “mbret” i ironisë: A ka një garë tjetër

Zhosé Murinjo i “përkëdheli” lojtarët e tij pas barazimit 0-0 ndaj Real Sociedad që u dha verdhekuqve kualifikimin në çerekfinale të Europa League-s:

“Unë i ndihmoj, jap kontributin tim të vogël, por merita është e gjitha e tyre. Matic kishte një problem dhe ne e dimë se sa e vështirë është të bësh pa të.

Wijnaldum luajti 90 minuta në dy ndeshje për tri ditë, pas 6 muajsh pasiviteti… Kthehemi në Romë të lodhur, por të lumtur, krenarë për atë që kemi bërë. Sakrificë dhe guxim i madh edhe nga ana e Pelegrinit dhe Belotit pas lëndimeve të tyre. Jemi një grup spektakolar. Nuk jemi më të fortit në botë, por jemi një grup i madh”.

“Special One”, i pyetur për shortin, deklaroi, sigurisht pa harruar një “thumb” për Lacion:

“Nuk më intereson. Për mendimin tim, ka ekipe që nuk duhet të jenë aty, sepse kushdo që eliminohet nga një garë, duhet të shkojë në shtëpi (referenca është për Juventusin, Sevilën dhe Bajer Leverkusenin, të eliminuar nga Champions League).

Ne kemi qenë këtu që nga fillimi, Europa League duhet të jetë për ne… Lacio u eliminua sot (nga Conference League), por nuk ka një garë tjetër ku të shkojë, apo jo?”

Lajmet e fundit nga