web counter
LEXO PA REKLAMA!

SHKARKO APP

Botërori/ Favoritët bëjnë detyrën, pesë gola në dy ndeshje

18 Qershor 2026, 14:45, Sport CNA

Botërori/ Favoritët bëjnë detyrën, pesë gola

Kombëtarja e Kolumbisë dhe ajo e Ganës kanë regjistruar fitore të rëndësishme në ndeshjet e tyre të para në grupet përkatëse të Kupës së Botës 2026.

Në Grupin K, Kolumbia mposhti Uzbekistanin me rezultatin 3-1 në stadiumin “Estadio Banorte” në Meksikë.

Daniel Munoz zhbllokoi sfidën përpara përfundimit të pjesës së parë, por uzbekët barazuan përkohësisht në minutën e 60-të me anë të Fayzullaev.

Më pas, sulmuesi i Bayern-it, Luis Diaz, riktheu avantazhin e kolumbianëve në minutën e 65-të, ndërsa Jaminton Campaz vulosi triumfin në minutën e 99-të.

Ky rezultat e pozicionon Kolumbinë në krye të grupit, duke përfituar edhe nga barazimi 1-1 mes Portugalisë dhe RD Kongos.

Në Grupin L, Gana mori një fitore dramatike 1-0 ndaj Panamasë në stadiumin “BMO Field” të Torontos.

Ndeshja u vendos në minutën e 95-të falë golit të Caleb Yirenkyi. Me këtë sukses, Gana bashkohet me Anglinë në kuotën e 3 pikëve në krye të grupit, pas fitores së "Tre Luanëve" 4-2 ndaj Kroacisë.





Lajmet e fundit nga