LEXO PA REKLAMA!

SHKARKO APP

Stina e verës ende larg, por zjarret po pushtojnë vendin

1 Prill 2024, 16:22, Sociale CNA

Stina e verës ende larg, por zjarret po pushtojnë vendin

Dy zjarre masive janë regjistruar ditën e sotme në Berat dhe Vlorë, ku si pasojë janë djegur parcela me ullinj, si edhe kullota e bimësi.

Një zjarr i rënë nga pakujdesia e fermerëve ka djegur 5 parcela me rrënjë ulliri dhe rreth 500m2 bimësi me shkurre e ferra në fshatin Sadovicë, në Njësinë Administrative Sinjë në Berat.

Zjarri është shkaktuar nga pakujdesia e vetë fermerëve, të cilët ishin duke pastruar parcelat me ullinj dhe duke djegur mbeturinat.

Papritur zjarri u ka dalë nga kontrolli dhe më pas kanë njoftuar zjarrfikësit. Pas njoftimit të marrë drejt zonës janë nisur 7 punonjës zjarrfikës 2 mjete zjarrfikëse dhe efektivë të policisë së shtetit.

Flakët janë lokalizuar shpejt duke shmangur përhapjen e mëtejshme drejt parcelave me ullinj të zonës dhe në një kohë të shkurtër është bërë i mundur fikja e plotë e zjarrit.

Gjithashtu, një zjarr ka rënë në fshatin Penkovë në Selenicë, ndërsa zjarrfikëset po punojnë për të shuar flakët. Zjarri është aktiv prej rreth 1 orë dhe ka djegur sipërfaqe me kullota dhe bimësi.

Lajmet e fundit nga