LEXO PA REKLAMA!

SHKARKO APP

Temperatura deri në 30 gradë/ Parashikimi i motit për fundjavën

30 Mars 2024, 08:17, Sociale CNA
Temperatura deri në 30 gradë/ Parashikimi i motit për
Foto ilustruese


Për fundjavën, vendi ynë do të ndikohet nga kushte të qëndrueshme atmosferike për shkak të masave ajrore të ngrohta me origjinë jugore si pasojë e depërtimit të pazakontë për periudhën që ndodhemi të anticiklonit afrikan.

Moti parashikohet i kthjellët në të gjithë territorin e vranësira të pakta kalimtare kryesisht të larta dhe transparente.

Vlen për t'u theksuar se temperaturat në vlerat e mesditës pritet të kapin vlera deri në 30 gradë celsius, vlera këto anormale dhe rreth 7-8 gradë më të larta se mesatarja klimatike mujore për vendin tonë.

Gjithashtu duke nisur nga dita e diel pritet afrimi gradual nga Evropa Perëndimore e një qendre të thellë të presionit të ulët, e cila duke kaluar mbi afrikën e veriut do të transportojë mbi Evropën kryesisht juglindore sasi të larta të pluhurit (me origjinë nga rëra e shkretëtirës së Saharasë).

Kombinuar me temperaturat e larta kjo situatë do të krijojë ndjesinë e ajrit “mbytës”, ndonëse kjo situatë është përsëritur shpeshherë edhe në të kaluarën mbi vendin dhe nuk është një fenomen i ri./CNA 

Lajmet e fundit nga