Pensionistët e vetëpunësuar s’do paguajnë sigurime shoqërore

28 Qershor 2022, 15:54, Sociale CNA
Pensionistët e vetëpunësuar s’do paguajnë sigurime
Foto ilustruese

Këshillimi Publik prodhon një nga ndryshimet e para ligjore. Pensionistët e vetëpunësuar në sektorin privat, nuk do të paguajnë më sigurime shoqërore.

66% e të anketuarve kanë propozuar që pensionistët të aftë për të punuar, nuk duhet të paguajnë më detyrime karshi shtetit.

Për këtë arsye, Ministria e Ekonomisë dhe Financave ka propozuar ndryshim të ligjit për sigurimet shoqërore, i cili është hedhur për konsultim publik.

Përfitues janë rreth 150 pensionistë të vetëpunësuar në sektorin privat që paguajnë çdo muaj 14 milionë kontribute.

Sipas llogaritjeve të ministrisë, përjashtimi nga skema e kësaj kategorie të punësuarish do t’i zbriste fondit të sigurimeve shoqërore rreth 170 milion lekë çdo vit.

Por, efekti është i papërballueshëm për buxhetin e shtetit. Pensionin e pleqërisë e përfitojnë të gjithë personat që kanë 15 vite sigurime shoqërore./euronews 

Lajmet e fundit nga