LEXO PA REKLAMA!

SHKARKO APP

Faza e dytë e regjistrimit online për klasat e para dhe të dhjeta/ Ministrja Kushi, mesazh prindërve

14 Gusht 2022, 11:26, Sociale CNA

Faza e dytë e regjistrimit online për klasat e para dhe të

Ministrja e Arsimit, Evis Kushi, ka njoftuar se nesër do të nisë faza e dytë e regjistrimit në e-Albania për klasat e para dhe të dhjeta.

Kjo fazë do të zgjasë nga data 15 deri në 25 gusht.

Kushi shprehet se regjistrimi do të bëhet vetëm online, por nga ana tjetër nuk do të mungojë ndihma nga stafi në rastet kur kanë nevojë prindërit.

 “Dëshiroj të informoj të gjithë prindërit që ende nuk i kanë regjistruar fëmijët e tyre në klasat e para dhe të dhjeta, se nesër nis faza e dytë e regjistrimit në portalin e-Albania dhe do të zgjasë nga data 15 deri 25 gusht.

Ju lutem kini në vëmendje se regjistrimet për vitin shkollor 2022 – 2023 do të jenë vetëm online, por të gjithë prindërit që kanë nevojë do të kenë mundësinë të mbështeten apo ndihmohen nga stafe të dedikuara në çdo shkollë. Asnjë nxënës nuk do të mbesë pa u regjistruar. Faleminderit dhe suksese”, shkruan Kushi./CNA.al

Lajmet e fundit nga