LEXO PA REKLAMA!

SHKARKO APP

App Store
Google Play

E fundit!

x

Reshjet e shiut rikthehen në mesjavë/ Parashikimi i motit për sot dhe nesër

10 Gusht 2022, 08:03, Sociale CNA

Reshjet e shiut rikthehen në mesjavë/ Parashikimi i motit për sot

Deri në orët e mesditës vendi ynë paraqitet në dominimin e kthjellimeve dhe kalimeve të lehta të vranësirave, më të theksuara në zonat malore.

Ndërsa në orët vijuese pritet që vranësirat gradualisht të bëhen më të dukshme në territor, ku në zonat malore do të ketë rrebeshe shiu.

Por,  po ashtu dhe pjesërisht zona e ulët do të ketë momente të shkurtra me reshje të papërfillshme.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 14°C deri në 36°C.

Era do të fryjë mesatarisht me shpejtësi mbi 40 km/h nga drejtimi veriperëndimor duke krijuar në brigjet detare dallgëzim mbi 3 ballë.

Ndërsa nesër me 11 gusht 2022, sipas MeteoAlb, vijojnë orët e ditës t’i kenë më të dukshme kthjellimet në një pjesë të mirë të vendit, por herë pas here do të ketë dhe kalime të pakta të vranësirave në territor.

Parashikohet që sërish mesdita dhe pasditja t'i theksojnë vranësirat në vend duke sjellë reshje shiu në shtrirjen Lindore, ku në zona të izoluara priten dhe rrebeshe afatshkurtra. Por, mbrëmja sjell pauzë të reshjeve në vend.  

Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 13°C deri në 35°C.

Era do të fryjë e lehtë dhe mesatare me shpejtësi 35 km/h nga drejtimi verior - veriperëndimor duke krijuar në brigjet detare dallgëzim 3 ballë./CNA.al

Lajmet e fundit nga