LEXO PA REKLAMA!

SHKARKO APP

Vranësira kalimtare dhe temperatura deri në 38 gradë/ Moti, sot dhe nesër

2 Gusht 2022, 08:07, Sociale CNA

Vranësira kalimtare dhe temperatura deri në 38 gradë/ Moti, sot

Vendi ynë do të jetë në ndikimin e orëve të shumta me diell në pothuajse gjithë territorin.

Por parashikohet që herë pas here në zonat e thella malore veriore dhe juglindore të ketë kalime të përkohshme të vranësirave në orët e pasdites.

Ndërsa mbrëmja dhe nata vonë do të sjellin dominim të kthjellimeve në të gjithë Shqipërinë.   

Temperaturat e ajrit do të rriten në mëngjes dhe në mesditë duke luhatur vlerat ditore nga 15°C deri në 38°C.

Era do të fryjë e lehtë dhe mesatare me shpejtësi 35 km/h nga drejtimi veriperëndimor duke krijuar në brigjet detare dallgëzim mbi 2 ballë.

Ndërsa nesër me 3 gusht 2022, sipas MeteoAlb, territori shqiptar parashikohet që gjatë paradites të jetë në dominimin e kthjellimeve në ultësirën perëndimore, por kalime të lehta të vranësirave do të ketë në zonat malore.

Ndërsa në orët në vijim vranësirat do të bëhen më të dukshme në zonat malore dhe do të shfaqen pjesërisht në zonën e ulët.  

Temperaturat e ajrit do të vijojnë të rriten në mëngjes, por do të mbeten konstante në mesditë duke luhatur vlerat ditore nga 16°C deri në 38°C.

Era do të fryjë mesatarisht me shpejtësi 30 km/h nga drejtimi perëndimor - veriperëndimor duke krijuar në brigjet detare dallgëzim 2 ballë./CNA.al

Lajmet e fundit nga