LEXO PA REKLAMA!

SHKARKO APP

App Store
Google Play

E fundit!

x

E diela përvëluese me 41 gradë/ Mesdita e së hënës do të sjellë rrebeshe shiu

7 Gusht 2022, 08:06, Sociale CNA

E diela përvëluese me 41 gradë/ Mesdita e së hënës

Pjesa e parë e ditës paraqitet në dominimin e kthjellimeve, por herë pas here do të ketë kalime të pakta të vranësirave kryesisht në zonat malore.

Ndërsa në pjesën e dytë të ditës pritet që vranësirat të bëhen më të dukshme në vend, ku në zonat malore verilindore dhe juglindore do të mund të sjellin momente të pakta me pika shiu.

Temperaturat e ajrit do të ulen lehtë në mëngjes, por do të rriten në mesditë duke luhatur vlerat ditore nga 17°C deri në 41°C.

Era do të fryjë mesatarisht me shpejtësi 40 km/h nga drejtimi veriperëndimor duke krijuar në brigjet detare dallgëzim mbi 3 ballë.

Ndërsa nesër me 8 gusht 2022, sipas MeteoAlb, orët e parë të ditës do të jenë me alternime kthjellimesh dhe vranësirash të lehta në pothuajse të gjithë territorin shqiptar.

Por parashikohet që në orët e mesditës dhe në vijim të kemi zhvillime të përkohshme të vranësirave duke krijuar mundësi për rrebeshe afatshkurtra shiu në vendin tonë.

Ndërsa mbrëmja largon vranësirat e shpeshta nga ultësira perëndimore.   

Temperaturat e ajrit do të ulen në mëngjes dhe në mesditë duke luhatur vlerat ditore nga 16°C deri në 40°C.

Era do të fryjë e lehtë dhe mesatare me shpejtësi 35 km/h nga drejtimi perëndimor - veriperëndimor duke krijuar në brigjet detare dallgëzim mbi 2 ballë./CNA.al

Lajmet e fundit nga