LEXO PA REKLAMA!

SHKARKO APP

Cilat janë profesionet që i nevojiten më shumë tregut të punës në Shqipëri

13 Gusht 2022, 18:21, Sociale CNA
Cilat janë profesionet që i nevojiten më shumë tregut
Foto ilustruese

Eksperti i karrierës, Erjon Muça, deklaroi se tregu i punës në Shqipëri ka nevojë për të rinj të cilët kanë inteligjencë dhe fleksibilitet për të mësuar shpejt.

Në një intervistë për “Euronews Albania”, Muça u shpreh se aktualisht ka nevojë për specialistë në fushën e programimit, IT-së dhe mekatronikës.

“Sot ka një nevojë shumë të lartë hulumtuese ndaj tregut se ku ai i kërkon nevojat. Ka nevojë për specialistë të avancuar në fushën e programimit dhe IT-së, ka nevojë për specialistë në fushën e mekatronikës apo elektronikës së avancuar.

Tanimë, një pjesë e kompanive po automatizojnë dhe robotizojnë proceset e punës, për të cilat kërkohen specialistë. Ka nevojë për individë apo të rinj që janë multifunksionalë, që kanë inteligjencën dhe fleksibilitetin për t’i kapur gjërat shpejt”, theksoi ai.

Sipas tij, për të pasur një zanat nuk mjafton bërja e një kursi profesional, kryesisht për shkak të kohës së shkurtër brenda të cilit zhvillohet kursi dhe praktikës e cila jo çdo herë përputhet me proceset e punës në kompani të ndryshme.

Lajmet e fundit nga