E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Krisma pati, por Luli nuk i dëgjoi

16 Janar 2024, 13:03, Satire CNA

Lulzim Basha

Pasi u zgjua nga gjumi letargjik i ditëve të ftohta të dimrit, Luli na u shfaq dje në Kuvend. Sigurisht për të vijuar me "punën" aty ku e ka lënë.

Pas seancës së Kuvendit, me zell të madh doli dhe foli para gazetarëve për të rëndësishmen Reformë Zgjedhore.

Pa asnjë lloj hezitimi gënjeu publikisht, si jo rrallëherë dhe tha se kishte bashkëpunuar me ndërkombëtarët për të bindur Gjiknurin e PS-së për reformën e rëndësishme.

Madje nuk ngurroi të falënderonte as ndërkombëtarët për mbështetjen dhe ndërmjetësimin.

"Në bashkëpunim me faktorin ndërkombëtar, përfaqësues, të cilin dëshiroj ta falënderoj, ia kemi dalë të marrim një hap të parë modest sa i takon prioritetit kryesor për largimin e papërgjegjshmërisë politike nga skena politike, përmes Reformës Zgjedhore. Të paktën për momentin duket se në bashkëpunim me aleatët strategjikë të Shqipërisë, Partia Demokratike, si udhëheqëse e këtij procesi, ia ka dalë që të bindë palën tjetër të nisin punën mbi Komisionin e Reformës Zgjedhore", tha Basha.

Kjo deklaratë, në fakt alarmoi delegacionin e BE-së në Tiranë dhe ambasadën amerikane, të cilët dolën dhe përgënjeshtruan atë që kishte thënë Basha.

Delegacioni i BE-së nxjerr blof Lul Bashën
16 Janar, 11:47

Delegacioni i BE-së në Tiranë theksoi se nuk janë përfshirë në asnjë ndërmjetësim dhe kanë theksuar nevojën për të ndjekur rekomandimet e OSBE/ODIHR.

Ambasada amerikane përgënjeshtron Lul gjumashin
16 Janar, 12:39

Ndërsa ambasada amerikane tha se takimet nuk janë pjesë e ndonjë ndërmjetësimi mes PD-së dhe PS-së. Pati një reagim edhe nga ambasada britanike, e cila është në të njëjtën linjë me atë aerikan edhe BE-në.

Ambasada Britanike nënvizoi se nuk kemi ndërmjetësuar ndonjë marrëveshje politike, ndërsa shton se do të vazhdojnë që të nxisin dialogun reciprokisht respektues dhe kontruktiv në mirëbesim mes atyre që dëshirojnë ta përfaqësojnë popullin shqiptar.

Por Luli vijon me perlat e tij. Të gjithën i dëgjuan krismat, përveç atij.

Pas reagimeve të ndërkombëtarëve, "ekselenti" reagoi në rrjetet sociale, sikur të mos kishte ndodhur gjë dhe sikur të mos kishte thënë gjë.

Nuk pati një kundërpërgjigje ndaj ndërkombëtarëve, por zgjodhi vetëm t'i falënderonte ata për mbështetjen ndaj Shqipërisë dhe Reformën Zgjedhore.

"Në emër të Partisë Demokratike të Shqipërisë përsëris mirënjohjen time për mbështetjen që partnerët strategjikë të Shqipërisë, SHBA, BE dhe MB, si edhe OSBE-ODIHR i japin procesit të reformës zgjedhore në Shqipëri. Falë edhe kësaj mbështetjeje, pas një periudhe të gjatë heshtjeje, Komisioni për Reformën Zgjedhore pritet të nisë punën së shpejti. Listat e hapura, barazia e votës, vota e diasporës dhe votimi e numërimi elektronik janë prioritetet e Partisë Demokratike të mishëruara në paketën e propozimeve ligjore të depozituara në Kuvendin e Shqipërisë. Koha për t'u dhënë shqiptarëve një Kod Zgjedhor pa hile dhe pengesa për lirinë dhe barazinë e votës", u shpreh Basha.

Mesa duket Basha është i preokupuar vetëm për të punuar. Deklaratave "jo të rëndësishme" apo reagimeve të ndërkombëtarëve ai nuk u jep zë.

Merret vetëm me punë të mëdha./CNA