web counter
LEXO PA REKLAMA!

SHKARKO APP

App Store
Google Play

E fundit!

x

Kolonja, magnet për turistët e huaj/ Destinacioni i turizmit në kulinari

11 Korrik 2026, 14:03, Qyteti im CNA

Në Kolonjë turistët nuk kanë mundësi vetëm të vizitojnë sajtet turistike e ato të trashëgimisë kulturore, por edhe të mësojnë të gatuajnë e më pas të shijojnë gatimet tradicionale.

Për turistët francezë të cilët janë të shumtë në numër këtë vit, Shqipëria e Kolonja ofrojnë shumë, sidomos në turizmin e kulinarisë.

"Për ne ishte e mrekullueshme të mësonim të gatuanim lakrorin dhe shihnim gratë si përgatisin ushqimin. Ajo që më pëlqen më shumë nga Kolonja është ushqimi bio, pamja e paprekur e natyrës dhe mikpritja e njerëzve", është shprehur një nga turistët. 

"Është hera e parë në Shqipëri, kemi bërë një tour në të gjithë vendin. Jemi të mrekulluar nga mënyra se si ju na trajtoni. Sajtet arkeologjike, natyra e sidomos ushqimi na kanë kënaqur këto ditë. Mendoj se do të rikthehemi përsëri", shprehet një tjetër. 

Për guidën e turistëve francezë, këta të fundit gjithmonë e më tepër po preferojnë turizmin e gjelbër, e sidomos kur bashkëjetojnë me banorët që ata takojnë.

Mes natyrës së paprekur, traditës dhe shijeve autentike, Kolonja po kthehet në një destinacion që nuk vizitohet thjesht për t'u parë, por për t'u përjetuar. Turizmi i kulinarisë, i ndërthurur me mikpritjen dhe jetën e përditshme të banorëve, po tërheq gjithnjë e më shumë vizitorë të huaj, duke e bërë këtë zonë një nga perlat e turizmit të gjelbër në juglindje të Shqipërisë. /CNA





Lajmet e fundit nga