web counter
LEXO PA REKLAMA!

SHKARKO APP

App Store
Google Play

E fundit!

x

Ekspozita që bëri bashkë personalitetet e Korçës/ Rrëfimi i Alma Suliotit

21 Tetor 2023, 13:41, Qyteti im CNA

Ekspozita që bëri bashkë personalitetet e Korçës/

Një ekspozitë tepër e veçantë është çelur mbrëmjen e së premtes në ambientet e Muzeut Arkeologjik të qytetit të Korçës.

Personalitete, të cilët i kanë dhënë kaq shumë Korçës ndër vite me kontributin e tyre në fusha të ndryshme artistike si teatër, kinema, muzikë, balet të cilët janë bërë pjesë e pandarë e historisë dhe traditës së këtij qyteti. Alma Sulioti, njëra nga vajzat e familjes pjesë e familjes me të njëjtin mbiemër është ideatorja dhe relizuesja e cila na tregon se si lindi ideja e kësaj ekspozite.

"E fillova me shumë pak artistë, dhe më pas u plotësuan 100 artistë të tjerë. Të gjithë kanë dhënë shumë për qytetin tonë të bukur të Korçës. Janë artista të dëgjuar dhe u detyrova t'u bëja një tablo të madhe që të mbeten në qytetin e Korçës. Ata përfaqësojnë nëpërmjet artit të tyre, artistët e vjetër të qytetit", u shpreh ajo. 

Pjesë e kësaj ekspozite janë bërë qytetarë dhe artistë të mëdhenj të Korçës të cilët kanë marrë emocione të veçanta prej saj. Nostalgjia dhe kujtimet rikthehen për ti ngacmuar sadopak artistët e qytetarët korçarë.

"Pata një gëzim të madh sot që erdha për Alma Suliotin. Kam qenë shumë e afërt me familjen e Almës. Këndonim, kërcenim, dhe për këtë program që ka bërë Alma i uroj suksese. I kam njohur të gjithë artistët dhë mua më ngjallën emocion, ndaj unë dridhem edhe sot. Mosha jonë ka nostalgji për këto gjëra", u shpreh Spanja Pipa. 

Për, Blerta Balliun kjo ekspozitë është mjaft e gjetur duke vendosur në pulla postare secilin artist dhe personazh. Sipas saj këta artistë flasin shumë më shumë brenda atyre kornizave të vogla duke lënë gjurmë të jashtëzakonshme .

"Kjo është një ekpozitë tejet e veccantë. Ju keni parë shumë ekspozita nga qendra e artit dhe kulturës që kanë të bëjnë me kulturën, fotografinë. Këtë do e veccoja për vetë përmbajtjen historike që ajo ka. Në fakt në Korccë nuk kam hasur një ekspozitë që të ketë kaq shumë përsonalitete, figura që i kanë dhënë një kontribut të jashtëzakonshëm qytetit tonë", tha Blerta Balliu. 

Ekspozita "50&50 personalitete të qytetit tim" u mirëprit nga artdashësit dhe qytetarët korçarë.

Këto personalitete janë rikthyer në memorien e publikut si vlera të paçmueshme të qytetit të cilët kanë dhënë kaq shumë në historinë dhe traditën artistike korçare./CNA





Lajmet e fundit nga