LEXO PA REKLAMA!

SHKARKO APP

Ish-deputeti demokrat ushtarak uron presidentin Begaj/ Kritikat u përkasin partive

4 Qershor 2022, 20:58, Politikë CNA
Ish-deputeti demokrat ushtarak uron presidentin Begaj/ Kritikat u përkasin
Presidenti i ri i Republikës, Bajram Begaj

Ish-deputeti i Partisë Demokratike dhe ish-shefi i Shtabit të Përgjithshëm, Xhemal Gjunkshi, ka uruar pasardhësin e tij Bajram Begajn, për zgjedhjen si President i ri i Republikës.

Me anë të një statusi në rrjetet sociale, Gjunkshi e cilëson këtë si moment historik, ndërsa deklaron se ushtarakët i përkasin kombit dhe u shërbejnë me nder shqiptarëve.

Teksa është ndalur tek akuzat dhe kritikat e ngritura ndaj Begajt, ish-deputeti shprehet se i përkasin politikës dhe partive.

“Suksese në misionin e Presidentit të Shqipërisë, z Bajram Begaj. Është moment historik zgjedhja e një presidenti dhe karriera e tij në fushën e mbrojtjes më imponon respekt dhe vlerësim. Ushtarakët i përkasin kombit dhe i shërbejnë me nder të gjithë shqiptarëve. Komentet dhe kritikat i përkasin politikës, partive. Unë dua dhe jam i bindur të besoj se Presidenti Begaj do t’i shërbejë Shqipërisë dhe do të respektojë me rigorozitet ligjin dhe Kushtetutën”, shkruan Gjunkshi.

Ndërkohë, kujtojmë se Parlamenti zgjodhi Begajn President me 78 vota pro, 4 kundër dhe një abstenim.

Betimin si Kryetar Shteti, Begaj pritet ta bëjë më 25 korrik, në datën kur përfundon mandati i Ilir Metës./ B.A. – CNA.al

Lajmet e fundit nga