LEXO PA REKLAMA!

SHKARKO APP

App Store
Google Play

E fundit!

x

Nga bastet "online" tek emergjencat civile dhe siguria/ Çfarë u diskutua në mbledhjen e Qeverisë

1 Shkurt 2023, 14:25, Politikë CNA

Nga bastet "online" tek emergjencat civile dhe siguria/

Sot është mbajtur mbledhja e Këshillit të Ministrave, e ndërsa janë njoftuar edhe vendimet e marra.

Nga hapja e basteve, fondi e mbështetja për emergjencat civile, lëvizja e qytetarëve të Ballkanit Perëndimor, e tek aksioni i kamerave, ishin çështjet e prekura nga ministrat përkatës gjatë konferencës së mbajtur ditën e sotme.

Ministrja e Financave dhe Ekonomisë, Delina Ibrahimaj, tha se asnjë pikë e basteve "online" nuk do të jetë në territor.

Më tej Ibrahimaj u shpreh se bastet do të funksionojnë vetëm "online". E pyetur lidhur me arrestimin e zyrtarit Arlind Gjokutaj, i cili përfundoi në pranga për shpërdorim detyre, Ibrahimaj tha se për këtë çështje presim të vendosë drejtësia dhe se nuk bëhet as gjyqtare e as prokurore.

Nga bastet "online" tek emergjencat civile dhe siguria/

"Jemi duke punuar për rishikimin e ligjit të basteve sportive 'online'. S’do të ketë pikë të hapur në territor, por siç ndodh në të gjitha vendet e botës, do bëhen 'online'. Njerëzit mund të luajnë 'online' në portale të huaja. Nuk është një fakt që nuk ndodh. Po mund që në bazë të ligjit ta rregullojmë këtë proces dhe ta mbrojmë nga informaliteti. Ne kemi pasur një qëndrim për cështjet në hetim. Nuk bëhem gjyqtare as prokurore, ia kemi lënë në dorë drejtësisë dhe ka treguar se si funksionion. Do presim si do shprehet drejtësia dhe do t'ju bëjmë me dije.”- tha Ibrahimaj.

Nga bastet "online" tek emergjencat civile dhe siguria/

Nga ana tjetër, ministri i Mbrojtjes, Niko Peleshi, ka njoftuar miratimin e projektit që lidhet me mbështetjen për emergjencat civile. Peleshi njoftoi se ky do të jetë një vit i rëndësishëm dhe se bëhet fjalë për një fond prej 2 milionë dollarësh. Më tej ai shtoi se gjatë këtij viti do jetësohet financimi i qeverisë italiane për të mbështetur plotësisht bashkitë dhe gjithë sistemin për përballimin e emergjencave civile, i cili do të jetë 30 milionë euro.

“Është miratuar një projektvendim që ka lidhje me gjithë masat tona në mbështetje të emergjencave civile. Bëhet fjalë për një fond prej 200 milionë lekësh, e thënë ndryshe, 2 milionë dollarë, pjesë e paketës prej 20 milionë dollarësh, që buxheti i këtij viti ka alokuar për emergjencat civile në gjithë vendin. Ky do jetë vit i rëndësishëm për emergjencat civile. Këtë vit do jetësohet financimi i qeverisë italiane prej 30 milionë eurosh, që do të mbështesë plotësisht bashkitë dhe gjithë sistemin nga niveli vendor deri tek ai qendror për përballimin e emergjencave civile”, tha Peleshi.

Ndërsa ministri Bledi Çuçi njoftoi gjatë konferencës së Këshillit të Ministrave dy vendimet e fundit që janë marrë. Ministri njoftoi se qytetarëve të Ballkanit Perëndimor do t'u duhet vetëm një kartë identiteti për të lëvizur. E ndërsa vendimi i dytë ka të bëje me marrëveshjen e nënshkruar me Maqedoninë e Veriut të task forcave, gjë e cila pritet të sjellë krijimin e informacioneve ligjore për bashkëpunime të kësaj natyre.

Nga bastet "online" tek emergjencat civile dhe siguria/

Çuçi më tej reagoi edhe lidhur me aksionin e çmontimit të kamerave, teksa u shpreh se ka pasur një lloj kamuflimi se sa u takon bizneseve është detyrim ligjor që të mbajë kamera që survejojnë ambientin. Ministri lëshoi një mesazh drejt krimit ku u shpreh se s’ka hapësira për të krijuar një mjedis ku mund të veprojnë të lirë.

“Janë marrë dy vendime, për rritjen e sigurisë në rajon dhe krijimin e lehtësirave të lëvizjes në Ballkanin Perëndimor. Me hyrjen në fuqi të vendimit, të gjithë shtetasit e Ballkanit Perëndimor mund të vijnë në Shqipëri vetëm me dokumentin e identitetit. Kjo është në frymën e nismës së Berlinit dhe Ballkanit të Hapur. Sa i përket sigurisë, ka të bëjë me marrëveshjen e nënshkruar me Maqedoninë e Veriut të task forcave. Kjo na sjell akoma më afër me fqinjin tonë Maqedoninë e Veriut, vetëm vitin që kaloi kemi pasur 20 të tilla, me Maqedoninë e Veriut krijojmë informacione ligjore për bashkëpunime të kësaj natyre. Lajmi është që po ndërhyjmë dhe kjo është gjë pozitive në luftën kundër krimit të organizuar. Ka pasur një lloj kamuflimi, se sa u takon bizneseve është detyrim ligjor që të mbajë kamera që survejojnë ambientin. Duhet t’ia lëmë në këtë gjë të shkuarës dhe të shohim për këtë punë që po bën policia për të dhënë një tjetër mesazh krimit të organizuar dhe çdo shkelësi të ligjit s’ka hapësira për të krijuar një mjedis ku mund të veprojnë të lirë.” tha Çuçi./CNA.al

Lajmet e fundit nga